一郎 (已結業)

來自東京澀谷既日本過江龍拉麵店，主打九州豚骨拉麵，有四款唔同既常規湯底同兩款期間限定湯底可以揀，而家期間限定湯底味道分別係鯛魚白湯同黑松露湯。我地最後揀左鯛魚白湯拉麵同常規既黑蒜湯拉面。鯛魚白湯拉麵味道整體偏淡，但勝在魚味突出，而且湯底鮮甜可口，可以就咁飲哂d白湯。黑蒜湯拉面味道則較濃郁，蒜香味十足。值得一提既係拉麵既溏心蛋整得非常之流心，係食過較為高質既溏心蛋。另外我地仲叫左羽根餃子同唐揚炸雞。兩款小食口感都十分香脆美味，尤其係唐揚炸雞炸得非常juicy，肉質亦十分嫩滑。飲品方面，靜岡蜜瓜梳打飲落都幾唔錯，味道唔會話好假。