影片
更多
2021-11-10
14620 浏览
日山已經連續10年榮獲東京米芝蓮一星餐廳既殊榮，係東京百年老店，2年前首間海外分店開左係尖沙咀，適逢海港城做緊coupon優惠，打左幾日電話終於有人接聽啦，幾經辛苦終於成功book到位一入門口就會穿過個竹林🎋，店內以木系簡約裝修為主調，好有和風格調前菜•先付梅酒番茄果凍：果凍係用梅酒製成，入面有粒番茄，酸酸甜甜，好清新既味道和牛薯波：炸薯波入面加了和牛，但我就覺咸左少少汁煮海螺：海螺爽口彈牙，汁煮入味和牛刺身沙律：和牛刺身軟腍肥美，加了醬汁可以減輕油膩感，好岩做前菜日山•梅日山既壽喜燒遠近馳名，當然要試下啦鹿兒島A5和牛肩膊位置3片淨係睇到d油花都已經好興奮，油脂分布均勻，仲有野菜五品盛，店員會係餐廳中間先煮好，再分3次送上已燒好既和牛卑客人第一塊：有豆腐，大蔥，再蘸日本蛋漿食，加左蛋漿後減輕左壽喜燒既濃味，入口好軟好綿滑呀第二塊：有芋絲、洋蔥、冬菇，和牛依舊肥美，芋絲索晒d壽喜燒汁，味道非常濃郁第三塊：單一塊和牛上，其實食到呢度已經好飽，因為d和牛極度肥美，呢塊油脂都係咁澎湃日山•晚市套餐燒A5和牛扒伴日式芥末酸汁燒A5和牛扒就無壽喜燒咁濃味，叫了5成熟，焦香內嫩，燒過後油脂亦都無壽
一入門口就會穿過個竹林🎋，店內以木系簡約裝修為主調，好有和風格調
前菜•先付
梅酒番茄果凍：果凍係用梅酒製成，入面有粒番茄，酸酸甜甜，好清新既味道
和牛薯波：炸薯波入面加了和牛，但我就覺咸左少少
汁煮海螺：海螺爽口彈牙，汁煮入味
和牛刺身沙律：和牛刺身軟腍肥美，加了醬汁可以減輕油膩感，好岩做前菜
日山•梅
日山既壽喜燒遠近馳名，當然要試下啦
鹿兒島A5和牛肩膊位置3片
淨係睇到d油花都已經好興奮，油脂分布均勻，仲有野菜五品盛，店員會係餐廳中間先煮好，再分3次送上已燒好既和牛卑客人
第一塊：有豆腐，大蔥，再蘸日本蛋漿食，加左蛋漿後減輕左壽喜燒既濃味，入口好軟好綿滑呀
第二塊：有芋絲、洋蔥、冬菇，和牛依舊肥美，芋絲索晒d壽喜燒汁，味道非常濃郁
第三塊：單一塊和牛上，其實食到呢度已經好飽，因為d和牛極度肥美，呢塊油脂都係咁澎湃
日山•梅
129 浏览
2 赞好
0 留言
日山•晚市套餐
燒A5和牛扒伴日式芥末酸汁
燒A5和牛扒就無壽喜燒咁濃味，叫了5成熟，焦香內嫩，燒過後油脂亦都無壽喜燒個3塊咁激，但都仲係好肥美，可以蘸蛋黃松露醬&芥末酸汁一齊食，不過我覺得咩都唔蘸就最能食到和牛原味
配上一碗日本月光米既白飯，仲有漬物 & 味噌湯，好豐富
日山•晚市套餐
123 浏览
3 赞好
0 留言
Suntory Draught Premium Malt’s Black
美食當前，點可以無杯酒落肚呢
甜點
柚子雪葩：柚子味道酸酸甜甜，正好解左之前既油膩感
香桃卷蛋：桃既味道都幾假，成件都幾甜，好彩細細件，同有球柚子雪葩
環境相當寧靜舒適，窗邊位仲可以欣賞埋維港既海景，和牛質素更加無庸置疑，唯一挑剔係壽喜燒係係中間燒好先攞過黎，而唔係每枱有個鍋係客人面前燒，硬係覺得有點美中不足
张贴
