更多
2019-04-28
778 浏览
放復活節假身痕周圍搵好嘢食,啱啱食完令一間酒店嘅下午茶set意猶未盡,即刻睇吓附近仲有邊間酒店有半自助晚餐係抵食又好食嘅。摷晒成個list,見到呢間一直想試但係冇去試嘅,因為食開Holiday inn既餐廳都有信心,即刻book位原來仲有八五折諗都唔使諗。因為遲book所以都係得七點半有位,都好嘅俾啲時間我緩衝下。行下海皮做運動消化下室內裝修優雅,最正係冇乜人叫咗主菜先~~香煎法國鯛魚配蘆筍及忌廉芝士粟米蓉賣相精緻,魚肉夠厚身煎得好香脆金黃,加埋細蔥幾好,忌廉芝士粟米蓉夠滑口,味道溫和唔會搶咗啲魚味,不過啲魚肉可以再生啲會更軟身。法國鴨胸肉配新薯及蘋果蓉鴨胸冇想像中咁油膩肉味唔夠濃唔夠香,蘋果粒唔夠甜未煮到焦糖化,份量好足香煎帶子配南瓜蓉及茴香沙律其實如果我知道出邊buffet枱有燒帶子我未必會叫呢個,其實好食嘅不過重複咗,帶子大粒面頭煎得香脆,識落無喳又鮮甜,南瓜蓉細滑味道清新。叫完主菜就有燉湯同埋每人半邊龍蝦今日係海螺老雞燉湯都幾好味飲完唔口渴龍蝦就麻麻哋好硬囉啲肉餐廳中間有個O型枱四邊都有嘢食仲有師傅喺中間煮嘢食同埋開生蠔切刺身沙律:都有六七種有蔬菜醬料都有好幾款,蘋果沙律最好味
因為遲book所以都係得七點半有位,都好嘅俾啲時間我緩衝下。行下海皮做運動消化下
香煎法國鯛魚配蘆筍及忌廉芝士粟米蓉
賣相精緻,魚肉夠厚身煎得好香脆金黃,加埋細蔥幾好,忌廉芝士粟米蓉夠滑口,味道溫和唔會搶咗啲魚味,不過啲魚肉可以再生啲會更軟身。
法國鴨胸肉配新薯及蘋果蓉
鴨胸冇想像中咁油膩肉味唔夠濃唔夠香,蘋果粒唔夠甜未煮到焦糖化,份量好足
香煎帶子配南瓜蓉及茴香沙律
其實如果我知道出邊buffet枱有燒帶子我未必會叫呢個,其實好食嘅不過重複咗,帶子大粒面頭煎得香脆,識落無喳又鮮甜,南瓜蓉細滑味道清新。
叫完主菜就有燉湯同埋每人半邊龍蝦
今日係海螺老雞燉湯都幾好味飲完唔口渴
龍蝦就麻麻哋好硬囉啲肉
海螺老雞燉湯/龍蝦
12 浏览
0 赞好
0 留言
餐廳中間有個O型枱四邊都有嘢食仲有師傅喺中間煮嘢食同埋開生蠔切刺身
沙律:都有六七種有蔬菜醬料都有好幾款,蘋果沙律最好味。
西式前菜:有多士爐熱包包,好多種芝士同埋ham~~仲有餅乾配埋同埋我最愛嘅水牛芝士配番茄😍😍😍
蠔:見到一盤未開嘅,行埋去師傅會開俾你蠔身係比較細隻,以為係石蠔,食落去就比較creamy,唔係爽口既,冇乜海水味。我覺得好可以再凍啲啲就更好啦
刺身:嘅要食嘅基本都有三文魚吞拿魚帶子尤其是帶子勁大隻又厚又甜
壽司:都有好多種,普通刺身壽司同軍艦都有,紫菜竟然仲脆
湯品:今日有菜乾豬骨湯好味,忌廉蘑菇湯超勁菇味正,仲有木瓜雪耳糖水
熱食:師傅有得煮麵淥菜之類,有牛腩,有千層麵,金華火腿娃娃菜⋯⋯其他我唔記得咗哈哈😄牛腩係幾好味好入味唔韌,千層麵唔乾有多肉醬
有燒帶子,又係勁大隻連殻,一啲都唔乾,我食左幾轉😋
食到好飽係食甜品同生果嘅時候甜品真係貴精不貴多要食嘅樣樣都有。
生果有西瓜同菠蘿片~~西瓜唔夠甜,菠蘿就好清甜
焦糖燉蛋:面頭焦糖脆蛋唔甜夠滑身有淡淡雲呢拿味
果醬奶凍:奶味龍果醬好味
桂花啫喱:桂花清香少甜,唔似平時咁香水味
Donut:原味蛋糕仔點汁,好得意第一次見到有濕食
鐵觀音奶凍:呢個就真係有啲奇怪個茶太苦⋯⋯
麵包布丁:有雲呢拿醬同黑蜜🤤
雪糕:movenpick有五種味都好味,係雪得硬左啲啲,要拎返嚟擺一擺先哈哈
甜品點只咁少,除咗吧枱呢一個角仲有另一邊嘅西餅櫃🤤不過件件都好大件我真係食到好飽
香蕉朱古力mousse:朱古力味濃以為會好膩,味道很平穩唔會好甜
藍莓芝士餅:好似食成舊芝士咁個味好夠濃
Tiramisu:可能中間舊朱古力蛋糕代替左手指餅所以食落唔夠滑,但係咖啡酒好香,如果朱古力蛋糕分兩層薄啲更加有層次,唔會好似出面有啲得成舊mousse
伯爵茶朱古力蛋糕:我最期待呢個,但茶味唔夠出,朱古力味又唔夠,甜多少少吊返個茶味出黎會仲好
柚子芝士餅:呢個有驚喜,柚子味清新
綠茶tart:綠茶mousse正常味道
Brownies:朱古力味濃,唔會好硬但係唔甜
士多啤梨荔枝卷蛋糕:軟熟正常味道
Service幾好收碟收得快,地方冇乜人但係就迫埋晒一邊來坐,隔離枱兩邊都有啲嘈,反正客人得4枱唔多。唔使排隊攞嘢食實在太好,唔使好似搶食⋯⋯咁可以慢慢地優雅地靜靜地食。食都尾隔離枱啲姨姨出去叫師傅開晒啲蠔⋯⋯佢哋自己攞晒返去食,搞到埋齋我冇得食⋯⋯師傅見賣晒就走入廚房煎返三隻蝦出俾我地嚟補償下,師傅都幾好人喎,有啲唔會理賣晒就由你
總結:地方係幾靚嘅,如果間餐廳喺頂樓應該會仲多人黎食。東九龍來講食物質素係好OK,嘢食貴精不貴多,八五折左係抵食嘅。
希望下次再嚟嘅時候,佢哋唔好再迫埋一邊枱坐啦,用餐經驗都係回枱嘅原因之一黎架,反正冷氣同燈又係要開咁多。
買單折左$1330/3,四百幾蚊一個冇限時
生蠔
90 浏览
0 赞好
0 留言
张贴