百份百餐廳 (已結業)

今日去左探好朋友 ， 佢帶我嚟呢間百分百餐廳食下午茶。 佢係呢間餐廳嘅忠實擁躉 ， 朋友仔一向嘴刁 ， 佢唔好食嘅一定唔會食 。我哋叫咗沙爹牛肉蛋公仔麵 ， 沙嗲牛肉醃得好好味 ， 公仔麵硬度適中 ，唔會煮到過曬火。 公司三文治值得一試！值得一讚 ！首先麵包係烘底，裏面有芝士，火腿，雞蛋，午餐肉同菜！ 十分豐富， 仲有茄汁 同千島。 係我食過最有誠意嘅公司三文治！ 仲要只係37蚊咋 ！另外就叫咗個蕃茄焗豬扒飯 ，好朋友覺得個飯底有啲太濕，我個人嚟講就覺得還可以 ， 但係唔係最出色嘅焗豬扒飯 。最後我哋再叫咗個奶醬多 ，煉奶醬同花生醬 都唔會吝嗇感搽上 😍咬落去全部都係 煉奶汁既感覺好滿足！你都最重要嘅凍咖啡，亦都係好朋友最推薦嘅！ 好朋友話平時係咖啡面頭仲會再放一啲咖啡粉作裝飾 ， 可能廚房今日太忙，忘記了放上。 咖啡味道十分之濃香， 但又唔會苦澀， 非常之好飲 ，我見到好多客人都叫凍咖啡嚟飲 ，下次再探好友嘅時候一定會再嚟呢食嘢呀