閨•家 (美基樓) (已結業)

又黎到一年一度嘅五一黃金周，當然要去食下黃店啦，呢間曾經被杜汶澤訪問過嘅閨家兜兜轉轉終於都再次返到黎屯門呢度開舖啦。相比起我之前去開嘅西九龍中心分店，呢間新舖面積都只係大少少，但都係一樣有靚靚嘅壁畫，同埋絡繹不絕嘅人流，不過呢度流量都好快，等左15分鐘左右就可以坐底叫野食。黎到閨家當然就要食佢地招牌嘅手工麵，呢度店員都一樣好細心咁提醒我地要盡快食，因為手工麵吸水能力好強，會令到口感有咁彈牙。花雕醉雞大大嚿，酒味幾濃，可惜嘅係可能因為太多人點醉雞，所以雪得唔係幾夠凍。九菜餃比較普通，點其他可能會比較好。雞翼醃得幾入味，而肉質都幾滑。總括黎講甘荀麵菠菜麵同紫薯麵都係一樣咁有嚼勁，唯一唔同就味道上有些微分別，但其實都唔會太分得出，所以簡自己想食嘅顔色就得。