煲底海鮮火鍋料理 (已結業)

呢排成日打邊爐，但都仲係食極唔厭嘅！ 呢間位於尖沙咀煲底又真係幾有驚喜！煲底嘅logo design 就係屬於港人嘅獅子山，整間餐廳都以黃色及黑色作主調，環境感覺又幾有feel!8月份期間限定，多款爆茜系列配料！老公係芫茜愛好者，我最中意食海鮮叫呢個岩晒～蟹、蠔、大蝦、蜆 樣樣有齊！開頭飲豆乳味同芫茜味會較突出，慢慢愈煲湯頭就變海鮮味較濃，足料之選！蠔肉真係肥美鮮甜！黃金炸魚皮咸蛋包裹住整塊魚皮，炸得脆卜卜粉唔厚。爆汁四寶丸 店家好有心機將4款均做成流心丸～鹹蛋黃墨魚丸花雕雞肉丸芝士蝦丸梅菜豬肉丸4款口味都夾，特別小見就梗係花雕雞肉丸～韭菜餃、水餃、雲吞花樣油條油炸鬼釀墨魚膠，浸湯食一流！海中蝦呢度嘅海蝦真係堅新鮮，睇住蝦腳跳足幾個字紅酒牛肉紅酒同牛肉夾就係人都知，但試過紅酒浸靚牛用黎打邊爐又試過未先？愈浸泡得耐，紅酒就更入味，加上牛肉肉味濃郁，值得一試！整體食物質素同創意度都好好，配料新鮮最重要，有驚喜！