就咁睇個門面都好有韓國feel阿
入到去入面都幾有特色， 有啲好英美嘅sticker痴咗響牆，牆上面仲有隻好大嘅雞阿！
1
Menu上面都有韓文，好有去韓國feel ah。
我住筲箕灣，買完行番屋企大概15分鐘倒，番到屋企食物仲係熱辣辣嘅！
蜂蜜蒜茸炸雞 $128 半隻
有骨同無骨同價，身為懶人嘅我梗係揀無骨啦
一打開張錫紙，全屋都係炸雞嘅香味！
雖然炸雞嘅面頭沾滿醬汁，但係外皮依然係超級脆！
炸雞外面嘅炸粉一啲都唔厚，入面嘅雞肉都好嫩滑。
1
韓式炒粉絲 $158
韓式炒粉絲真係大份到嚇親！一份應該可以夠2-3人食阿！
炒粉絲好彈牙，相比起炸雞，呢個算比較淡味。
泡菜炒豬肉 $158
泡菜炒豬肉同炒粉絲一樣咁大兜！
一兜真係夠我一個人分開三餐食！
炒豬肉係小小辣辣地嘅，有菜有肉，都幾健康。
呢度嘅食物都頗大份，建議大家約埋朋友一齊食，咁先可以食多幾樣
