CHOKOHOOD (已結業)

身為朱古力迷，慕名而來，結果無失望。店家裝修靚，chill。坐低店主上前問係咪第一次黎，之後再解釋不同地方chocolate 係咩味，鐘意fruity,nutty d飲邊隻，解釋詳盡。日本以前有間明治cafe 又係有不同朱古力產地既專賣朱古力地方，好懷念，呢度比返呢種感覺我。當日要咗杯taiwan, 因為想要杯特別d, 要杯fruity d 既，果然飲落去係唔同d, 呢種感覺好似去咗一間好既cafe咁，飲唔同產地既豆，真係明顯飲到分別。另外叫咗個chocolate cake, 我本身好dark chocolate 苦果種，店主都講明呢個係甜既，一場黎到都叫咗。結果朱古力味好濃，唔係我想像中既好似食朱古力咁甜，反而係濃朱古力味，好食。其實好想試晒三杯，建議店家可能可以整個tasting set, 細杯少少，一次過試晒三款朱古力就正。