美心西餅 (屯門站)

营业中

休息中

屋企有小朋友生日， 喺美心買咗個蛋糕慶祝， 蛋黃哥同朱古力蛋糕之間， 佢揀咗黑森林蛋糕。黑魔王森林 兩磅裝$368外層有一塊塊黑朱古力片裝飾， 中間有忌廉唧花､ 朱古力碎同四粒浸過朱古力既車厘子做裝飾。切開蛋糕，中間有成五六層組成，朱古力蛋糕､牛油蛋糕､朱古力慕絲､車厘子甜酒忌廉， 蛋糕輕柔濕潤 一貫美心鬆軟嘅出品， 不過酒味都幾濃， 唔係好啱小朋友口味。餅底係焦糖海鹽脆脆，略嫌薄左少少， 可以厚啲仲好㖭！中間仲有流心嘅車厘子醬， 都幾有驚喜，不過浸過甜酒唔多唔少有啲苦澀。成個蛋糕全部都係朱古力咁濟，好濃朱古力味，鍾意食朱古力嘅朋友應該會好鍾意呢個蛋糕， 但係對朱古力一般般嘅就會覺得好漏。