Talk 2 DeCream (已結業)

前排帶住亞女出尖沙咀行街街！實在太炎熱☀️☀️☀️！Cotton On側門行出黎見有雪糕店！成間鋪頭仲係粉紅色的，亞女就話要食。三重奏朱古力柸有3種層次🤓🤓！朱古力控要去試試！最底係朱古力曲奇碎，之後係朱古力雪糕，面頭淋上榛子朱古力醬再加玄米朱古力粒粒，面頭仲有一塊Oreo餅仔添！超濃郁既朱古力口感超豐富！感覺有點甜，但朱古力控應該唔會太介意！榛子朱古力醬加左玄米朱古力粒食落似金莎朱古力表面😍超級邪惡😈😈😈。藍莓雪糕乳酪奶昔用冷凍藍莓打成果泥，再加乳酪攪拌😍😍面頭仲放了雪糕添！藍莓味道重，好香果味！健康又有營養，好適合炎熱天氣飲。