橫綱

营业中

休息中

一心係想試下究竟橫綱定札幌邊間好食d o既?!(兩間都係食拉麵出名o既鋪頭)我叫o左個叉燒拉麵(清湯湯底),bf 叫o左個九州拉麵,試完之後我覺得橫綱拉麵o既湯底係正過札幌o既,飲多幾啖湯都唔覺得口渴,好清好鮮美!至於麵條,雖然幾爽口,但係我鍾意札幌果個多D,因為比較特別~論叉燒,依度標榜係用可樂浸過o既,食落口覺得好肥美,好正,札幌果個同樣係一試難忘,所以係打和o既!至於小食方面我叫o左個飯團同埋煎餃子,外皮好脆入面d 餡又唔會乾憎憎,好有水準;反而札幌果個煎餃子只係普通貨色,仲好油添~至於環境,當然係札幌坐得舒服好多,因為橫綱d 位好窄,好似好迫咁,對面個師奶仲成日踢親我添呀!價錢方面,札幌係較貴o既,雖然食物方面係較有特色;但係橫綱絕對係經濟實惠且質素高,絕對係大眾化之選囉!