影片
更多
2023-09-20
284 浏览
火水爐冰室火鍋📍 旺角煙廠街33號朗廷軒地下B舖及1樓🌄環境成間舖頭勁有以前香港夜總會or冰室feel，有好多水火爐擺喺樓梯隔離，頭上仲有好多舞廳嗰種波🪩，老闆娘勁fun，好自豪咁同我哋講呢個係佢自己諗出嚟嘅idea🤣中間隔離枱生日，成間餐廳會播有啲年代感嘅版本嘅粵語生日歌，成件事好有氛圍！同frd嚟食一定超正🧡食物我哋嗌嘅係$398嗰個放題套餐，另外加左每人$68嘅酒放題～🍶 飲品出面有個雪櫃擺咗好多飲品，而我哋我哋嗌左酒放題，入面有包白桃梳打酒等，另外仲可以嗌無酒精嘅Cocktail～🐓 麻辣雞煲呢到嘅雞煲好特別嘅係，配料係有豬雜嘅，豬腸、豬肚、豬皮之類，勁正！雞件嫩滑就唔使講啦，豬皮吸晒汁勁爽勁好食，豬肚豬腸好肥好入味，真心好食！啱晒重口味嘅人～我哋就嗌左小辣，但係我覺得呢到嘅小辣都幾辣，大家如果唔係好識得辣嘅，記住落單時講減輕啲辣度！🍳 前菜呢度嘅前菜都充滿香港特色，有炸午餐肉、炸燒賣同炸雞粒，熱辣辣幾好食，午餐肉有畀到驚喜我，外表勁焦脆，入面就軟綿綿，有種肉糜嘅質感，好罪惡！但係建議唔好食太多，過下癮就好，留肚食邊爐！🐮 沙嗲湯底火鍋圖片可能感受唔到，但係實際食真係超級
📍 旺角煙廠街33號朗廷軒地下B舖及1樓
🌄環境
成間舖頭勁有以前香港夜總會or冰室feel，有好多水火爐擺喺樓梯隔離，頭上仲有好多舞廳嗰種波🪩，老闆娘勁fun，好自豪咁同我哋講呢個係佢自己諗出嚟嘅idea🤣中間隔離枱生日，成間餐廳會播有啲年代感嘅版本嘅粵語生日歌，成件事好有氛圍！同frd嚟食一定超正
🧡食物
我哋嗌嘅係$398嗰個放題套餐，另外加左每人$68嘅酒放題～
🍶 飲品
出面有個雪櫃擺咗好多飲品，而我哋我哋嗌左酒放題，入面有包白桃梳打酒等，另外仲可以嗌無酒精嘅Cocktail～
🐓 麻辣雞煲
呢到嘅雞煲好特別嘅係，配料係有豬雜嘅，豬腸、豬肚、豬皮之類，勁正！雞件嫩滑就唔使講啦，豬皮吸晒汁勁爽勁好食，豬肚豬腸好肥好入味，真心好食！啱晒重口味嘅人～我哋就嗌左小辣，但係我覺得呢到嘅小辣都幾辣，大家如果唔係好識得辣嘅，記住落單時講減輕啲辣度！
🍳 前菜
呢度嘅前菜都充滿香港特色，有炸午餐肉、炸燒賣同炸雞粒，熱辣辣幾好食，午餐肉有畀到驚喜我，外表勁焦脆，入面就軟綿綿，有種肉糜嘅質感，好罪惡！但係建議唔好食太多，過下癮就好，留肚食邊爐！
🐮 沙嗲湯底火鍋
圖片可能感受唔到，但係實際食真係超級濃厚嘅沙嗲湯底，佢係杰到如果沸騰嘅話，會彈出嚟嗰種，底下勁多花生碎勁香，以後唔使去九龍城，可以喺旺角都食到咁出色高質嘅沙嗲湯底真係好正，而且仲要係放題，唔使就住叫🤩
而且牛肉都幾靚幾新鮮，全部都係手切牛肉，肉質比較瘦，肉味重，同濃稠嘅沙嗲湯底有啲相得益彰嘅感覺，我最鍾意牛肩肉，而我男朋友鍾意封門柳多啲😚好少可以喺放題食到咁高質嘅肉，幾難得～
另外嗰啲火鍋料都幾多選擇，但係我哋專攻牛肉，所以就冇試到幾多🤣
🧁 仙草紅豆芋圓
最後有個少少嘅甜品，解下膩，味道唔太甜，食落幾舒服，仙草比出面食到嘅更加軟滑，清清地好容易入口～
张贴
