樂園潮州粉麵 (已結業)

沒有煮飯，打算在家附近茶記食晚飯，想起了打冷味道，走到樂園吃一頓！在香港小店食物買少見少，而呢間潮州店開業很久了，我當然亦不是第一次食吧！菲菜豬紅可說是我例牌點選的菜式，今次兩個人食再點了一個油鹽水煮蜆、腐竹火腩煲、牛腩麵！再配支可樂真係正到冇得頂....豬紅非常入味，完全覺得可媲美台灣某某火鍋的鴨血....油鹽水蜆味道亦恰到好處，可保留到蜆的鮮味，而且份量亦唔少！但腐竹火腩就冇特別，還要找很久才找到火腩呢！牛腩唔算肥，但煮得很腍，味道亦好濃，相當不錯！整頓晚飯吃得很滿足，價錢亦算合理！