南豐餐廳

营业中

休息中

是日與友人逛畢JCCAC手作市集，大夥兒見有點餓但又末到晚飯時候行下行下走進咗入坐南山邨找點小食下午茶順便休息坐一坐。基於大家貪食、貪平、貪方便的共識便走咗入間茶餐廳 南豐餐廳。老屋邨傳統茶餐廳，座入卡位，即點港式下午茶點，西多士及炸雞翼薯條，自己點咗杯茶走，友人飲脆脆華田及脆脆奶茶。可能好一陣子無食邪惡西多，加上餡料用我喜愛的花生醬，伴以茶走，雖然唔係特別美味，但週末最佳享受莫過於此。四隻雞翼一人一舊剛剛好，雞翼都幾好無雪藏味，不過薯條就有啲硬，有番熱之嫌。茶走味道亦算合格。 屋邨茶餐廳譚唔上企理乾淨，但往往帶著自家地方嘅混沌感，呢種隨意、隨心、不做作的自家地方食嘢，就同響屋企開飯一樣嘅反應唔會有諸多要求。