羅麥記 (V City) (已結業)

本土食堂與香港味道1.羅麥雞翼撈丁今日口淡淡想食返d重味少少既晚餐，所以點左個呢撈丁試下，呢隻雞翼係我食過咁多間之中最有鹵水味，味道濃得黎唔澀，需則大部份餐廳都會用急凍雞翼，但羅麥記佢地可以做到無雪藏味之外，仲好有雞味，唔知真係以為返左大陸食新鮮雞。而個撈丁煮得軟硬適中，剛好吸收左d鹵水汁，搞到我好想安哥再食多個。2.黑汁墨魚鬚起初點選呢個菜都有d疑惑，因為食過好多餐廳既魷魚鬚都係啤水出黎，淡而無味，而呢個黑汁墨魚鬚真係掂過碌庶，佢既質感好軟，一食就知道係用新鮮既墨魚做，連埋d汁一口咬落去，全個感覺好夾，最重要係面頭個少許芝麻，足以令整道菜錦上添花3. 磗頭焗加喱軟殼蟹飯軟殼蟹外脆內軟，蟹味鮮甜，完全可以媲美高級日本料理食到既軟殼蟹，濃郁咖哩汁香味撲鼻，混合磗頭面包足以令本身唔鐘意食包既我全部倒進胃中，最重要係面包外表剛硬，內里竟然鬆軟無比，有創意得黎仲十分有驚喜。4. 雪糕紅豆冰自小就好鐘意響本土快餐店食(飲)雪糕紅豆冰，但可借響炎炎仲夏間，雪糕未上枱已經溶掉一大半，而呢杯雪糕紅豆冰夠哂冰凍，雪糕有好豐富既牛奶香味，混雜住絲絲既耶香，恰到好處既紅豆豆香，差d令我冰都食埋。