鬼金棒牛骨辣麻拉麵 (已結業)

自問自己喺香港都食過唔少日式拉麵店，真係未試過喺香港食到咁難食既拉麵，叫咗兩碗麵一碗原味一碗麻辣牛湯，兩碗麵質又淋仲要一痴埋哂一舊，湯底除咗得死咸同好漏嘅牛油味就冇特別，仲要懷疑落咗大量味精，食完果幾個鐘都係不斷口乾同飲水，牛肉叉燒就冇乜肉味中規中矩，仲要百幾蚊一碗拉麵都係得兩塊叉燒同一件玉米筍做配料，半熟蛋要加成$15先有一隻，最離譜嘅係職員竟然喺做緊嘢期間不斷大聲傾計，仲要公然對其他客人評頭論足。