影片
更多
2021-10-14
202 浏览
呢間野我都黎過好多次，佢食物好味，所以會再encore，但今次既經驗令我以後都唔會幫襯呢間餐廳分兩邊，我哋今次兩個人坐喺燒肉達人嗰邊。一入去冷氣開到好大，大到我見到啲冷風吹出黎，好似開咗雪櫃咁。都明白燒肉店如果一開爐店面就會好熱，所以都冇乜嘢，諗住開爐之後就會好啲。 坐低左之後大概10分鐘終於有人黎serve，俾左個QR code落單同埋有兩杯茶（我哋已經算好彩，隔離枱有啲坐左廿分鐘都冇茶，有啲枱兩個人但俾咗一杯茶🥲）。等左咁耐都肚餓啦，即刻掃QR code諗住落單😀 但係！原來呢邊係上唔到網，淨係收到一兩格，有啲電話台就好彩啲，轉好耐有時都入到佢個網，而餐廳本身係冇wifi提供🙃 同侍應講佢完全幫唔到我地，之後我地再同經理反映，佢講左佢哋wifi密碼俾我哋聽，但都係連唔到。好彩我哋有一部電話連到自己data，搞左咁耐勁肚餓，所以拿拿林叫野食。我哋18:31落單，到18:50都未有野食黎，我哋問侍應可唔可以幫我哋跟一跟，佢睇返話落左單，要等咁耐係正常🤓過左5分鐘再問侍應，佢話佢哋淨係負責serve我地，其他野佢唔清楚。都明白佢難做，我哋再同經理反映，經理話會幫我哋跟，最後要我哋自己行到
呢間餐廳分兩邊，我哋今次兩個人坐喺燒肉達人嗰邊。一入去冷氣開到好大，大到我見到啲冷風吹出黎，好似開咗雪櫃咁。都明白燒肉店如果一開爐店面就會好熱，所以都冇乜嘢，諗住開爐之後就會好啲。
坐低左之後大概10分鐘終於有人黎serve，俾左個QR code落單同埋有兩杯茶（我哋已經算好彩，隔離枱有啲坐左廿分鐘都冇茶，有啲枱兩個人但俾咗一杯茶🥲）。等左咁耐都肚餓啦，即刻掃QR code諗住落單😀 但係！原來呢邊係上唔到網，淨係收到一兩格，有啲電話台就好彩啲，轉好耐有時都入到佢個網，而餐廳本身係冇wifi提供🙃 同侍應講佢完全幫唔到我地，之後我地再同經理反映，佢講左佢哋wifi密碼俾我哋聽，但都係連唔到。
好彩我哋有一部電話連到自己data，搞左咁耐勁肚餓，所以拿拿林叫野食。我哋18:31落單，到18:50都未有野食黎，我哋問侍應可唔可以幫我哋跟一跟，佢睇返話落左單，要等咁耐係正常🤓過左5分鐘再問侍應，佢話佢哋淨係負責serve我地，其他野佢唔清楚。都明白佢難做，我哋再同經理反映，經理話會幫我哋跟，最後要我哋自己行到去廚房門口問經理，最後先有第一碟野食黎到（嗰陣係19:10分🙃），等到又凍又悶（冷氣大、電話又用唔到），而120分鐘限時已經過左1/3🙈 而且我哋落既野大概有30碟，但佢第一次黎既食物只有4碟牛肉+4碟前菜（我哋已經算好，等既期間已經有一枱等左45分鐘都未有野食走左，其他枱既食客都未有野黎過，我地係第一個）。其實佢大部分食物，好似生肉、前菜、菊花茶都係預先整定，唔係好理解點解可以8個字都未有，仲要唔係淨係我哋一枱係咁，嗰邊大概9-10枱都係咁既情況，而我哋等食物期間仲不斷有客人入座😵💫
有野食黎當然快啲燒快啲食啦，夾埋16片肉話咁快就燒完，但我地叫既其他野（eg雞 豬 海鮮 熟食）完全冇黎過，食晒啲肉冇野燒唯有熄爐，期間我哋都有落下單希望會有野食黎但完全冇。等多一陣又黎一個人蔘雞湯，我地等到隻碟啲油都凍埋結撻撻咁都未可以開返爐，期間又有一枱人因為坐左咁耐冇野食，茶都冇杯，頂唔順走左。
到咗8:00左右，愈黎愈多人燥，經理都係不斷話唔好意思，請大家飲野，但情況完全冇改善，有一枱客人啲野食黎左第一轉，等左1.5小時都冇野黎，本身預備個心情食大餐，等咁耐咩都冇得食大家都燥燥地，最後佢哋同經理講想走，我哋最後都係8點幾走左，經理都好好冇話收返錢。
最後我哋等左1.5個鐘，等到既只係4碟牛肉，4碟前菜同一個人蔘雞湯。其實經理態度都好好，係咁講唔好意思，又同大家講唔限時，又俾我哋走。只不過見到已經8點鐘但廚房出菜冇改善過，叫左10樣嘢廚房會選擇性地黎一碟，連自己想食咩都控制唔到，有啲食物經理又話賣晒（我哋已經6點幾黎到一坐低就叫🥴），所以趁其他餐廳未關門早啲去第二度食好過😵 可惜既係經理好似處理唔到廚房既情況，由6點半到8點都解決唔到問題，之前黎過幾次都覺得呢間韓燒食物質素唔錯，如果因為行政問題搞到咁都幾可惜，但佢收費都唔平（$288加一），呢個價錢都唔少選擇，而且放題韓燒當然希望大啖大啖咁食肉，而家咁既情況好影響食大餐既心情😶
希望餐廳真係可以有所改善
张贴