盈翠軒 (裝修中)

最差既大閘蟹任食經驗! $398，100分鐘任食。每次淨係可以上兩隻，之後話會"自動添蟹"。等咗二十分鐘先再上第二輪，又係得兩隻，最嬲係幾輪都係死蟹，D蟹又黑又臭。有個侍應態度都幾好，會換過俾我地，但係次次都要換，都食到冇癮啦。有個侍應勁離譜，同佢投訴d蟹臭，佢話”唔係吖d膏幾靚吖! 麻煩埋咗張單先。"跟住就遞咗張單過嚟，乜嘢都冇做過。燕窩湯勁味精，食倒公仔麵湯包味。燒鵝同鮑魚正常。隔嚟幾枱都食到勁嬲。