夢工房西日料理 (已結業)

第一次寫食評，因為頂唔住呢間放題，實在太差。 我睇咗佢好多差評既內容都係我今晚遇到嘅，真心唔知咁多好評點嚟？？？今日一家12人去試呢間放題， 款式選擇唔多。刺身質素差唔新鮮，仲放喺半溶嘅冰上面浸住水， 甜蝦肉梅梅哋，甩皮甩骨。 三文魚冇味，質地怪怪地。 火炙三文魚，唔似有火炙痕跡。，冇入口即溶嘅感覺，𡁻落去仲有啲韌。 落咗單嘅刺身漏單，份量同種類自動縮水。 燒蠔超細粒，好似廟街蠔餅啲蠔咁上下，仲要勁多蠔殼碎。 其他野都唔好食，爸爸無野食到食左3包烏冬食咗一個鐘，雖然未飽但已經唔想再落order。 最差最差最差最差係服務態度惡劣， 有個偏肥阿姐不停鬧客， 落咗單好耐冇嚟，問下都要俾佢鬧。行返埋位坐低慢啲都鬧你阻住佢，見到有幾個職員成晚不停串客鬧客，究竟有無管理？？俾錢買難 受，唔會再去第二次。唯一感到安慰係雪糕、雪條、飲品種類都幾多。