影片
更多
2015-09-28
2025 浏览
話說今日放假，可以早少少和老公試下呢間平日好多人排隊的荳子。大約12點幾，我們在店外見到無人排隊，好開心咁開門諗住可以即刻坐抖下冷氣叫嘢食。。點知個待應男仔話兩個無位，要我們在門外等。。但其實我明明見到有一張4人枱只坐了兩人，大的長枱也有空位，只要稍微移一移動一位食客便夠坐。不過既然佢地咁要求，我都無出聲，同老公在門外等。外面又晒又熱，而且我還大著6個月的肚。。沒有椅子坐，又沒水喝我們都不介意。等了10分鐘左右，有Bar 枱的人埋單，但老公說我不要爬高，所以情願再等多陣等矮枱。又過左陣終於有矮枱啦。但完全無待應招呼我們入坐，我咪自己入去，問他們可不可以讓我先坐下來。但個待應女仔拒絕，話要執枱，我話我不介意，只想先坐下，佢又突然話果張係4人枱，唔俾我地坐，話你地兩個人坐 bar 枱。我當時即刻示意我大肚不方便坐 bar 枱，但佢依然要我們出去等都不肯讓那4人枱出來。成件事我覺得好不合理，明明我們先到，就算是4人枱都不可以先給我們嗎？其實我也都不介意搭枱。而且另外都是有一枱都是2人坐4人枱，他們的員工又不會變通調動一下其他客人方便更多人入坐。我沒有持著大肚有什麼要求，只是不想坐 bar 枱
話說今日放假，可以早少少和老公試下呢間平日好多人排隊的荳子。大約12點幾，我們在店外見到無人排隊，好開心咁開門諗住可以即刻坐抖下冷氣叫嘢食。。點知個待應男仔話兩個無位，要我們在門外等。。但其實我明明見到有一張4人枱只坐了兩人，大的長枱也有空位，只要稍微移一移動一位食客便夠坐。不過既然佢地咁要求，我都無出聲，同老公在門外等。外面又晒又熱，而且我還大著6個月的肚。。沒有椅子坐，又沒水喝我們都不介意。等了10分鐘左右，有Bar 枱的人埋單，但老公說我不要爬高，所以情願再等多陣等矮枱。又過左陣終於有矮枱啦。但完全無待應招呼我們入坐，我咪自己入去，問他們可不可以讓我先坐下來。但個待應女仔拒絕，話要執枱，我話我不介意，只想先坐下，佢又突然話果張係4人枱，唔俾我地坐，話你地兩個人坐 bar 枱。我當時即刻示意我大肚不方便坐 bar 枱，但佢依然要我們出去等都不肯讓那4人枱出來。
成件事我覺得好不合理，明明我們先到，就算是4人枱都不可以先給我們嗎？其實我也都不介意搭枱。而且另外都是有一枱都是2人坐4人枱，他們的員工又不會變通調動一下其他客人方便更多人入坐。我沒有持著大肚有什麼要求，只是不想坐 bar 枱，我和老公都照他們意思在門外，又熱又無坐位的地方等了超過10分鐘。我覺得呢班員工實在不夠經驗，太不懂安排入坐和關心客人！
最後我們老公過了隔離茶餐廳，那邊的阿姐仲會見我大肚問我要茶定要水。。明明表面高檔的餐廳但服務都不及一般的茶餐廳，真諷刺！希望老闆可以再訓練員工的服務質素，令客人食得更開心，不用一肚氣而歸。我相信無論食物質素如何高，食得不愉快都不會令食物變得好味。
张贴