漁道樂 (已結業)

人生第一次極不愉快既訂座體驗令我憤然寫上一篇負評，原本看到餐廳綜合評價幾好決定經OpenRice預早一星期訂座，但最終係不知情既情況下被餐廳單方面於OpenRice app用餐當日數小時前取消訂座，經電話打去餐廳詢問原來係因為我遺漏咗餐廳確認訂座電話，我承認我有疏忽但我曾call back電話一次但冇人接聽，接線既服務員堅稱坐足全日冇聽漏過電話，反之指責客戶唔聽電話就係客戶既責任，縱使我係用餐時間前2小時已經打番去確認餐廳亦表明唔會預番座位，仲要串我如果冇確認booking No show係餐廳既損失，試問如果經左電話確認booking 咁就可以confirm戈客戶100%唔會No show? 就算之後打番電話去講明會出席咁都當我係No show？坦白講俾番張枱我都食唔落，以後亦都唔會光顧 - 沒有第一次，亦都沒有再一次。係香港地難得一間未食已經可以俾負評既餐廳。