影片
更多
2019-05-08
737 浏览
要去鴨利洲做義工服務，仲要9-19長時間，難得山長水遠黎到鴨利洲緊係要搵吓好野食啦，對上一次去香港仔/鴨利洲已經係N年前，當時山窿魚蛋都仲喺到，而家無得食，要搵第二間代替佢。由於做野嘅位置係喺室內運動場，咁就搜尋附近美食，其實一直都聽過艇仔粉，喺搵食嘅時候搵到一間叫漁港艇仔粉時，就即刻決定到食晏時間要去試吓。終於到我食野嘅時間，跟住Google map去搵，原來真係好近，仲要好方便，地鐵口行去我估一分鐘應該行到去。由於係食店煩忙時間，一條友都要等位，好彩等咗大約5分鐘就有位比我。原本想叫招牌艇仔粉，但唔想食叉燒&魚皮，所以就點咗燒鴨河，另外再加咗個炸四寶。鴨河好快上，當然緊係即刻試咗啖湯先啦！因為喺門口等緊位嘅時候，睇到佢地寫住「大地魚熬煮，營養價值其高」講到咁堅，緊係要即試啦！果然好鮮味，而且平時唔鍾意食魚，少少魚腥味都頂唔順嘅我，都唔覺得有腥味！食咁一半嘅鴨河先上個炸四寶，四寶包括魚蛋、墨魚丸、雲吞&魚片頭，每款有兩粒，一向食野都係由最唔鍾意食嘅野開始食先，所以第一粒食魚蛋，出其地彈牙，仲令我掛住一間已結業嘅小食店（住慈雲山嘅人應該會知道炸蛋嘅口感）；跟住魚片頭，無特別；雲吞覺得麻
由於做野嘅位置係喺室內運動場，咁就搜尋附近美食，其實一直都聽過艇仔粉，喺搵食嘅時候搵到一間叫漁港艇仔粉時，就即刻決定到食晏時間要去試吓。
終於到我食野嘅時間，跟住Google map去搵，原來真係好近，仲要好方便，地鐵口行去我估一分鐘應該行到去。
由於係食店煩忙時間，一條友都要等位，好彩等咗大約5分鐘就有位比我。
原本想叫招牌艇仔粉，但唔想食叉燒&魚皮，所以就點咗燒鴨河，另外再加咗個炸四寶。
鴨河好快上，當然緊係即刻試咗啖湯先啦！因為喺門口等緊位嘅時候，睇到佢地寫住「大地魚熬煮，營養價值其高」講到咁堅，緊係要即試啦！
果然好鮮味，而且平時唔鍾意食魚，少少魚腥味都頂唔順嘅我，都唔覺得有腥味！
食咁一半嘅鴨河先上個炸四寶，四寶包括魚蛋、墨魚丸、雲吞&魚片頭，每款有兩粒，一向食野都係由最唔鍾意食嘅野開始食先，所以第一粒食魚蛋，出其地彈牙，仲令我掛住一間已結業嘅小食店（住慈雲山嘅人應該會知道炸蛋嘅口感）；跟住魚片頭，無特別；雲吞覺得麻麻；墨魚丸係跌爛副眼鏡，竟然係最差（我無眼鏡，跌咗隔離位嗰副😝）！所以食第二round時係倒轉咁食，副最尾再去番粒魚蛋時，有種唔捨得食佢嘅感覺...
如果老細有睇小妹呢一編食評，小食可唔可以加一項炸魚蛋呀！
张贴
