Hue Dining (已結業)

一行三人去食飯，我哋三個都係叫三道菜晚餐，單價七百幾蚊一個人，前菜冇得揀，淨係有得揀主菜，得鱸魚或牛柳，有一款自選牛扒，要額外加$120，我哋就冇加到。甜品揀咗朱古力，最後我哋三個人食嘅係一樣款式。下單後，先上酸種麵包，牛油有黑松露醬喺上面，鹽味牛油溝黑松露，查喺孫酸種麵包上面，感覺有說不出的奇怪，又酸又鹹，好唔和諧。然後係「鹽烤甜菜根 , 壓榨酸奶 牛油榛子 椰菜」，我哋三個食咗第一啖之後，皺晒眉頭，真係好！難！食！下一道係「煙燻鴨胸 咖喱清湯，日本番茄，脆洋蔥」，好失望，唔知自己食緊乜。主菜牛柳……三舊仔，我哋竟然食唔晒，因為真係好難食。甜品亦都……好難食。未試過三個人食二千幾蚊，竟然可以冇一樣嘢好食，如果要睇維港景，建議去返海港城餐廳，有更多更好嘅選擇。搵錢艱難，大家辛苦賺返嚟嘅錢最緊要用得其所。