影片
更多
2009-08-23
37 浏览
有人宴請食飯,到來他的堂。主人家多時在此吃刺身,所以他替我們點的,都是精選貨。池魚王、鱆紅魚、活立魚薄切(我覺醒太薄,反而食完無乜味道)、秋都魚(從未食過秋都魚刺身,原來係咁好食)、帶子(好厚,夾左檸檬,退左少少鮮味)、海膽(除左o係日本,未食過咁長咁大件既海膽!仲要伴著紫菜、青瓜絲包住黎食,咁樣好似無咁膩,正!)、赤貝(仍有海水味,感覺腥左D)、油甘魚(肥美油香)、劍魚(咁厚既劍魚,唔知點解,水份重,無乜甘香)。刺身:掂!!希靈魚壽司,平日討厭它,但呢度新鮮D,肉無過酸味,而且邊邊的黃籽仍脆!立魚壽司,平平無奇。我揀的炸蠔卷,我見都未見過,已被班皇蟲食晒,激氣!海鰻壽司,我覺得肉身較腍,最煞風景係唔熱!如果唔係,咁大條鰻魚,我點會唔食多條呢!?壽司:一般。醋味不足,飯唔夠黏。蠔(分加拿大&法國,我揀左法國,細隻D。唔juicy,唔通真係唔應該o係日本料理度食生蠔!?)雞泡魚干,估唔到咁好食,平時食o個d,又乾又韌,嘩!呢個熱辣辣,又軟身,勁juicy!明太子雞翼,唔係唔好食,不過咁多其他野o係枱上,佢變得失色。芝士大蝦春卷,combination幾特別,不過芝士味唔濃;蝦味亦唔鮮,所
池魚王、鱆紅魚、活立魚薄切(我覺醒太薄,反而食完無乜味道)、秋都魚(從未食過秋都魚刺身,原來係咁好食)、帶子(好厚,夾左檸檬,退左少少鮮味)、海膽(除左o係日本,未食過咁長咁大件既海膽!仲要伴著紫菜、青瓜絲包住黎食,咁樣好似無咁膩,正!)、赤貝(仍有海水味,感覺腥左D)、油甘魚(肥美油香)、劍魚(咁厚既劍魚,唔知點解,水份重,無乜甘香)。
刺身:掂!!
希靈魚壽司,平日討厭它,但呢度新鮮D,肉無過酸味,而且邊邊的黃籽仍脆!
立魚壽司,平平無奇。我揀的炸蠔卷,我見都未見過,已被班皇蟲食晒,激氣!
海鰻壽司,我覺得肉身較腍,最煞風景係唔熱!如果唔係,咁大條鰻魚,我點會唔食多條呢!?
壽司:一般。醋味不足,飯唔夠黏。
蠔(分加拿大&法國,我揀左法國,細隻D。唔juicy,唔通真係唔應該o係日本料理度食生蠔!?)
雞泡魚干,估唔到咁好食,平時食o個d,又乾又韌,嘩!呢個熱辣辣,又軟身,勁juicy!
明太子雞翼,唔係唔好食,不過咁多其他野o係枱上,佢變得失色。
芝士大蝦春卷,combination幾特別,不過芝士味唔濃;蝦味亦唔鮮,所以唔會令人留下記憶。
天婦羅烏冬,烏冬勁軟綿綿!!唔會太o趙口,難消化,好好味!天婦羅蝦味失色,炸得很乾爽。
冷烏冬,唔太好,像幼扁麵,無口感,而且麵豉油淡慕慕。
牛肉大蔥串燒,仍有牛羶味,無肉汁,加埋粒大蔥,好食少少。反而大扎的金菇牛肉卷好好味噃!
仲有燒冬菇、燒台式香腸、燒立魚、etc.我坐得遠,有D野食,可能我都無食到。
最後魚骨粥,好有魚味!仲有大大粒的日本米,好少食到咁綿的日式粥啊!
主人家推介的芝麻雪糕,今天欠奉!!太失望喇!不過今晚有豆腐和咖啡味replace,也好好味!!豆腐既,奶味重左D;咖啡味,有合桃粒,增加甘香,都好good!綠茶味,都好味,雖然綠茶味唔夠,但幾滑滑。紅豆味,大粒紅豆好硬,而且雪糕無乜紅豆味,勿揀。
我覺得多人食,係幾抵食!人少少,幾樣刺身+熱食,每人都要百多元。
张贴
