青悅 (已結業)

下雨天總掛念從前…今日去到我以前常去的食店。餐廳的枱與枱的距離較近，部分卡位的椅子已經爆開了。侍應的服務態度都幾好。<海南雞飯>雞肉有骨冇味，肉質唔滑，肉還有紅色，要靠點3款醬料才有少許味道；飯很乾，加了湯都係乾，冬瓜湯淡而無味，又有很多油，青瓜爽脆，食物唔夠熱。<香茅豬扒湯河>豬扒肥瘦適中，肉質都幾軟，河粉都幾滑。每款午餐有飲品一杯，凍飲要另外加錢。龍眼水有幾多龍眼肉，不過味道太甜。我比較欣賞檸檬蜜，蜜糖唔會沉底，檸檬同蜜糖比例剛好，酸中帶甜。如果要食海南雞飯，我會選擇食亞X雞飯。