影片
更多
2019-02-10
183 浏览
來自美國的漢堡包連鎖店「Five guys」落戶灣仔大街，名氣+地利令佢長期客似雲來，初初開的時候真係唔敢去，要待人潮稍為回落先去一試。雖然已經唔駛排隊，但搵位都唔係咁易，最好還是一個去畀錢，一個去搵位。點餐好簡單，望望收銀處上面，想食咩點咩就得，收銀員多數係本地人，唔怕溝通困難。點漢堡包的話，佢有15種免費toppings可以選，唔想煩的話，全部要晒all the way就搞掂。無論堂食或外賣，佢都會一律用紙袋袋住。未等到食物時，不妨去門口舀一兜免費花生食住等，超級入味，味道偏鹹，質感係鬆脆的。我要左cheese burger（$85），all the way，除左芝士同漢堡，仲有生菜、番茄、炒蘑菇、酸瓜、炒洋蔥、唔同的汁醬，加埋兩層漢堡扒，分量超大，普通人難以一口咬下。漢堡扒醃味足，質感比較鬆散，但總好過死實，唔太juicy，不過都算合格，加埋其他配料，口感好豐富，只係食多幾啖就會開始有滯膩感。薯條選了辣味的Cajun style（小$35），其實似麥記的辣粉Shake shake薯條，好微辣但惹味，應該好食過原味，薯條亦熱辣辣的，條條飽滿。今次冇點飲品，一來店方暫未有奶昔供應，而
雖然已經唔駛排隊，但搵位都唔係咁易，最好還是一個去畀錢，一個去搵位。
點餐好簡單，望望收銀處上面，想食咩點咩就得，收銀員多數係本地人，唔怕溝通困難。點漢堡包的話，佢有15種免費toppings可以選，唔想煩的話，全部要晒all the way就搞掂。無論堂食或外賣，佢都會一律用紙袋袋住。
未等到食物時，不妨去門口舀一兜免費花生食住等，超級入味，味道偏鹹，質感係鬆脆的。
我要左cheese burger（$85），all the way，除左芝士同漢堡，仲有生菜、番茄、炒蘑菇、酸瓜、炒洋蔥、唔同的汁醬，加埋兩層漢堡扒，分量超大，普通人難以一口咬下。漢堡扒醃味足，質感比較鬆散，但總好過死實，唔太juicy，不過都算合格，加埋其他配料，口感好豐富，只係食多幾啖就會開始有滯膩感。
薯條選了辣味的Cajun style（小$35），其實似麥記的辣粉Shake shake薯條，好微辣但惹味，應該好食過原味，薯條亦熱辣辣的，條條飽滿。
今次冇點飲品，一來店方暫未有奶昔供應，而汽水亦唔平（$30），雖然有得refill，但始終覺得唔抵。
其實食物ok的，但所有定價都偏貴，偶爾經過食一次就夠了。
张贴
