未成為米芝連一星之前已經好多人排隊
因為公司係附近
咁我地就決定今次叫外賣
快好多
呢個係晚餐menu
一至五另外有午餐menu
今次三個人食
請坐既滷肉飯真係冇得輸
如果堂食 枱面會有一樽辣椒醬 超好食
係幾辣既 但放少少落飯吊一吊味 冇咁油膩
另外又係冇得輸既係蛋餅
咁呢日就三個人都食芝士蛋餅
個蛋餅入面既芝士係多到一咬落去就爆到成嘴係芝士
芝士迷絕對不能錯過
上次堂食有試今次冇叫既肉鬆蛋餅
同樣都係好多餡
但佢比芝士蛋餅貴 同埋本人係芝士迷
所以覺得呢個冇咁抵食
上次仲有試過吞拿魚蛋餅
（即menu內的鮪魚蛋餅）
同樣餡多
但我始終最愛都係芝士蛋餅
圖入面有鹽酥雞腿
本人覺得真係唔抵食
要食炸雞腿有好多餐廳 小食店做得更出色
不過同事想食就照叫姐
另外請坐既甜不辣個汁都幾惹味
但份量就略嫌太少喇
唔抵食 但想去試下既都不妨一試
飲品方面呢
同區仲有間出名既台灣菜係第三街 阿元來了
請坐就冇人地做得咁好飲喇
但兩間比 我都係會去食請坐
