影片
更多
2022-10-24
275 浏览
好耐沒有寫食評，但今次呢間真係要寫出來。新開後行過幾次都無入去，門口大大隻字寫「手工點心」，而門口也無價錢牌。星期日中午時分入去，剛剛好唔使等位，坐低就睇點心紙開茶，茶錢$12一位，比海之戀彩薈軒平$1，要了一壺鐵觀音，上枱時是一個大茶煲，配大排檔透明玻璃奶茶杯，真係諗唔到點解會用呢隻杯飲鐵觀音。鐵觀音完全唔似鐵觀音，沒有回甘味，直頭是普通食店嗰杯茶膽沖茶一樣。潮州粉果，皮厚饀少，入口成嚿粉咁，差過街邊檔$5舊。蟹粉灌湯包，呢舊同潮州粉果啱啱相反，大大嚿剁碎豬肉餡，落咗好多糖好甜但係就係冇乜蟹粉味。煎釀尖椒，應該是油浸尖椒，入口成口油，舊肉鬆散，食完隻碟都係油。酸菜魚套餐，這個餸就好味道，酸辣度剛剛好，魚夠滑冇骨。因此未算全伏。新張期內免茶錢，加一後$176
新開後行過幾次都無入去，門口大大隻字寫「手工點心」，而門口也無價錢牌。
星期日中午時分入去，剛剛好唔使等位，坐低就睇點心紙開茶，茶錢$12一位，比海之戀彩薈軒平$1，要了一壺鐵觀音，上枱時是一個大茶煲，配大排檔透明玻璃奶茶杯，真係諗唔到點解會用呢隻杯飲鐵觀音。鐵觀音完全唔似鐵觀音，沒有回甘味，直頭是普通食店嗰杯茶膽沖茶一樣。
潮州粉果，皮厚饀少，入口成嚿粉咁，差過街邊檔$5舊。
蟹粉灌湯包，呢舊同潮州粉果啱啱相反，大大嚿剁碎豬肉餡，落咗好多糖好甜但係就係冇乜蟹粉味。
煎釀尖椒，應該是油浸尖椒，入口成口油，舊肉鬆散，食完隻碟都係油。
酸菜魚套餐，這個餸就好味道，酸辣度剛剛好，魚夠滑冇骨。因此未算全伏。
新張期內免茶錢，加一後$176
张贴