天之樂素食 (已結業)

其實我比較少食素食，曾經都有食過好新派嘅素食，味道款式都唔錯。今次有個素食朋友介紹我食呢間天貝漢堡。呢度主要外賣為主，好，睇吓有咩好食先。素肉蕃茄素飯，蕃茄味濃郁，素肉口感好煙韌，好有咬勁，而且有好多藜麥，食落感覺好正氣，好健康。素肉材料主要有三款，天貝、鷹嘴豆、藜麥，天貝可以話係未來食品，係發酵過嘅黃豆，高解左嘅氨基酸，更易被人體吸收，蛋白質營養成份更高，對食素人士好重要！素肉咖喱土豆素飯，咖喱小小辣，幾惹味，完全冇味精，清淡清新，同平時食日本、印度咖喱嘅重口味好唔同！例湯都係用豆和瓜去熬製，高纖又好味。菜心炒得好香，食落好爽脆，冇草青味，好有住家feel！總結來講，其實素食都可以好有營養又環保，而且可以為環境出一分力！