影片
更多
2022-09-03
1711 浏览
木戶: 宮崎福岡之夜今日上綱台做節目，講開呢個暑假食過嘅野，我發覺原來呢期食得最多係串燒。一年前食過木戶一次之後，好想再黎，可惜，呢到真心難訂位。試過幾次都訂唔到，到一年後，才有機會再黎。幸好朋友P小姐安排了座位同餐單，就好似享受左一次去宮崎嘅旅行一樣。由於當晚仲要趕去睇戲。朋友們都好就我，全部都七點到場。當晚真係食盡日本食材，全部都係來自宮崎同福岡，當然坐鎮呢度嘅日本師傅木村先生來自宮崎。前菜三個，福岡青椒肉味噌，梅水晶同福岡水果蕃茄，見咁多野食，即刻想飲杯梅酒先。先講梅水晶，原來係鯊魚軟骨，加上了梅子醬，可以加紫菜同青瓜一齊食，好開胃，而且鯊魚軟骨嘅口感非常特別，剩食更佳。我以為福岡青椒中點的肉味噌會好鹹，但配上福岡青椒又剛剛好。福岡水果蕃茄，就咁食當然甜到入心，加一點日本海鹽，又係另一種滋味。我完全無諗過有呢個咁我地道嘅炭燒日本鰻魚肝，日本就多，香港真係第一次食，鰻魚肝炭燒過呈粉狀，加上wasabi，感覺好與別不同。係網台節目講得最多嘅宮崎式雞腿肉炭火鐵板燒，呢個菜式絕對係去完福岡之後一樣最難以忘懷嘅菜式，而且呢度絕對做得有板有眼，三個層次，就咁食炭火地雞，加上檸檬汁，又或者再加
今日上綱台做節目，講開呢個暑假食過嘅野，我發覺原來呢期食得最多係串燒。
一年前食過木戶一次之後，好想再黎，可惜，呢到真心難訂位。試過幾次都訂唔到，到一年後，才有機會再黎。
幸好朋友P小姐安排了座位同餐單，就好似享受左一次去宮崎嘅旅行一樣。
由於當晚仲要趕去睇戲。朋友們都好就我，全部都七點到場。
當晚真係食盡日本食材，全部都係來自宮崎同福岡，當然坐鎮呢度嘅日本師傅木村先生來自宮崎。
前菜三個，福岡青椒肉味噌，梅水晶同福岡水果蕃茄，見咁多野食，即刻想飲杯梅酒先。
先講梅水晶，原來係鯊魚軟骨，加上了梅子醬，可以加紫菜同青瓜一齊食，好開胃，而且鯊魚軟骨嘅口感非常特別，剩食更佳。
我以為福岡青椒中點的肉味噌會好鹹，但配上福岡青椒又剛剛好。
福岡水果蕃茄，就咁食當然甜到入心，加一點日本海鹽，又係另一種滋味。
我完全無諗過有呢個咁我地道嘅炭燒日本鰻魚肝，日本就多，香港真係第一次食，鰻魚肝炭燒過呈粉狀，加上wasabi，感覺好與別不同。
係網台節目講得最多嘅宮崎式雞腿肉炭火鐵板燒，呢個菜式絕對係去完福岡之後一樣最難以忘懷嘅菜式，而且呢度絕對做得有板有眼，三個層次，就咁食炭火地雞，加上檸檬汁，又或者再加上柚子胡椒醬，三個風味各有不同。
鱷魚肉炭火燒，又係少見嘅item，鱷魚肉個感覺同豬頸肉好似，我自己個人覺得鹹鹹地好好送酒。想試新奇野一定會點呢個。
厚燒牛舌，加上芥末醬，特別醒神，佢嘅牛舌唔係平時非常之厚個隻，但個人覺得厚度剛剛好。
呢度嘅雞串燒又係重點，先吃大和雞雞腎，雞腎非常之壯健。
大和雞雞肝，更加精彩，最重要係個醬汁同埋剛剛熟嘅狀態仲有少少嘅血，燒得正好。
大和雞雞腿肉，又係好粗壯的腿部位置，淡淡雞肉加上炭香，精彩。
韮菜芝士豚肉卷，個人覺得韮菜係重點，就算豚肉同芝士都唔夠佢嘅味濃，如果你係芝士迷可能你會有啲失望。
自家製雞肉丸配黃金蛋，相信雞肉卷用上不少雞軟骨，口感同平時不同，好有嚼勁，撈埋個蛋當然最正。
香烤宮崎佐土原茄子，呢種茄子比較少見，我自己個人覺得有一種草青味，又係大開眼界嘅宮崎菜式。
重點當然係總廚木村先生家族秘傳宮崎南蠻炸雞1956年，上次食過返尋味，今次都一樣，最鍾意佢嘅雞係仲有肉汁，而且加上沙律醬同蔬菜，撈埋一齊食就最啱。
最尾吃著德島沙甸魚苗野澤菜飯糰，看看師傅嘅串燒火炬燒得高一高，賞心悅目，唔知下次幾時先有得再食呢。
张贴
