影片
更多
2017-11-24
642 浏览
次次經過呢間野都超多人，今次木嘴我又禁不住要試下有咩咁巴閉。夜晚6點幾去到已經有人係出面等緊，真係誇張，間野原來有兩個鋪位，兩個鋪位都分別有條隊，個排隊方式就係要好似買大細咁揀其中一間鋪黎排。木嘴時來運到，排左間快D既，輕輕鬆鬆等左一陣好快就入得。呢間野好似出名咖啡，雖則木嘴食既係晚餐，夜晚晚飲咖啡好似唔係幾好，但最終依然好犯賤地叫左杯雲尼拿籽Latte。杯Latte都幾香幾好飲既，滿足到我鋪咖啡癮，但下場就係搞到我成晚都瞓唔到覺，眼光光望天光。朋友就飲呢杯荔枝玫瑰梳打，個樣幾討好，味道就一般般，果刻木嘴我依然心諗好彩自己嗌既係咖啡，直至瞓唔到覺先覺得呢個諗法好膚淺。到野食喇，叫左個黑蒜蜆肉帆立貝意粉，食果時無為意到有黑蒜，以為黑色果D係菇，點知食落口發現個味超怪，五官即刻扭曲成一舊。木嘴不嬲見識少，而家先知原來黑蒜咁既味，下次真係咪搞。而蜆肉同帆立貝就唔錯既，係意粉份量有D少。另外仲叫左個龍蝦包配薯條，龍蝦包啖啖龍蝦肉好正，有杯細到乜咁既龍蝦湯仔唔知佢係比我飲定點，我就倒埋落個包度食既。D薯條就唔太脆，唔知佢係特登定前世已經炸好依家先攞出黎。朋友話食到有橄欖味喎，橄唔橄欖我木嘴就真係
呢間野好似出名咖啡，雖則木嘴食既係晚餐，夜晚晚飲咖啡好似唔係幾好，但最終依然好犯賤地叫左杯雲尼拿籽Latte。杯Latte都幾香幾好飲既，滿足到我鋪咖啡癮，但下場就係搞到我成晚都瞓唔到覺，眼光光望天光。
朋友就飲呢杯荔枝玫瑰梳打，個樣幾討好，味道就一般般，果刻木嘴我依然心諗好彩自己嗌既係咖啡，直至瞓唔到覺先覺得呢個諗法好膚淺。
到野食喇，叫左個黑蒜蜆肉帆立貝意粉，食果時無為意到有黑蒜，以為黑色果D係菇，點知食落口發現個味超怪，五官即刻扭曲成一舊。木嘴不嬲見識少，而家先知原來黑蒜咁既味，下次真係咪搞。而蜆肉同帆立貝就唔錯既，係意粉份量有D少。
另外仲叫左個龍蝦包配薯條，龍蝦包啖啖龍蝦肉好正，有杯細到乜咁既龍蝦湯仔唔知佢係比我飲定點，我就倒埋落個包度食既。
D薯條就唔太脆，唔知佢係特登定前世已經炸好依家先攞出黎。朋友話食到有橄欖味喎，橄唔橄欖我木嘴就真係食唔出，可能係朋友條脷太敏銳，亦可能係我條脷太遲緩，試真呢碟野個味，真係要交俾閣下下次去試完再話我聽了。
食完之後見出面咁多人都即刻走了，再慢慢坐既話自己都唔好意思。
张贴
