影片
更多
2019-09-30
75 浏览
自己細細個就好鍾意 XO 呢個卡通角色，最近朋友話我知旺角新世紀廣場有間日本燒烤做緊期間限定，有 XO 同蛋黃哥做主題 😍 所以今日我就即刻約咗朋友仔去嗰度食飯。一入門口就見到好多 XO 同蛋王哥既裝飾 😍 而且重有一個勁大既影相位 😍 影相位隔離就有 XO 同蛋黃哥嘅商品，牆身同餐枱都有貼上 XO 同蛋王哥既裝飾。👍🏻👍🏻餐牌有超級多菜式，有沙律、前菜、串燒、刺身、炸物、烏冬，大量飯丼同和牛菜式。炸魷魚圈 ($68) : 上枱時香噴噴同熱辣辣，炸漿幾薄身，加埋檸檬汁食，爽口彈牙。🦑燒牛舌丼 ($118) : 紫菜、蘿蔔、䓤絲下面堆滿了牛舌 🤤 平時去食串燒一串得兩片都要成四十幾蚊，依家勁多片牛舌加埋個珍珠米飯都只係收呢個價，真係勁抵食 😍 日出富士丼 ($188) : 見到餐牌幅相真係好吸精，所以即刻叫咗個 ; 大量牛味濃郁既肥牛包住白飯，而最上層放咗隻半熟玉子同淋上芥末汁，賣相真係好似火山爆發咁好睇又好食。自家製明太子玉子燒 ($58) : 通常喺出面食玉子燒外面一定會有燒到硬硬地同濃濃地嘅情況出現，但呢度個玉子燒真係不得了，每件玉子好軟熟之剩又唔會散開哂，加上多到滿瀉既明太子，呢
一入門口就見到好多 XO 同蛋王哥既裝飾 😍 而且重有一個勁大既影相位 😍 影相位隔離就有 XO 同蛋黃哥嘅商品，牆身同餐枱都有貼上 XO 同蛋王哥既裝飾。👍🏻👍🏻
餐牌有超級多菜式，有沙律、前菜、串燒、刺身、炸物、烏冬，大量飯丼同和牛菜式。
炸魷魚圈 ($68) : 上枱時香噴噴同熱辣辣，炸漿幾薄身，加埋檸檬汁食，爽口彈牙。🦑
燒牛舌丼 ($118) : 紫菜、蘿蔔、䓤絲下面堆滿了牛舌 🤤 平時去食串燒一串得兩片都要成四十幾蚊，依家勁多片牛舌加埋個珍珠米飯都只係收呢個價，真係勁抵食 😍
日出富士丼 ($188) : 見到餐牌幅相真係好吸精，所以即刻叫咗個 ; 大量牛味濃郁既肥牛包住白飯，而最上層放咗隻半熟玉子同淋上芥末汁，賣相真係好似火山爆發咁好睇又好食。
自家製明太子玉子燒 ($58) : 通常喺出面食玉子燒外面一定會有燒到硬硬地同濃濃地嘅情況出現，但呢度個玉子燒真係不得了，每件玉子好軟熟之剩又唔會散開哂，加上多到滿瀉既明太子，呢個真係必點菜式。
XO 竹炭雪糕芭菲 ($88) : 外型好似 XO 着住一件黑色長褸咁樣勁盞鬼 ; XO 頭係餅乾嚟，黑色雪糕味道幾特別下，有啲似海鹽黑芝麻朱古力味，而下層則有芒果肉同木糠。
张贴
