奔之食堂 (已結業)

相信最近好多人都係因為期間限定嘅角落生物主題而嚟到呢間餐廳食，如果要同角落生物一齊坐喺隔離嘅話，就一定要上網bk，walkin嘅話就冇得同角色一齊坐喺隔離。角落生物實在太高人氣，我5月尾book位，未來三個月近乎全滿，只有企鵝仲有幾日可以揀，其他角色已經全部冇位，唯有揀企鵝，都要book到8月30號，好險因為個期間限定只做到8月31。由於突然落勁大雨，遲咗15分鐘到，好擔心會取消咗，因為寫住只留座10分鐘，15分鐘嘅時候店員就打比我，而我都剛好來到門口了，不過全身連埋成個背囊連入面嘅嘢都濕晒。有角落生物限定餐牌，其實只係多咗個牌插喺度，另外都有普通餐牌，每人最低消費$100。炸豬排滷肉飯都有8舊豬扒左右，反而碗飯就細咗啲。炸豬扒唔係吉列好脆嗰種，係有汁的，淋身的，但都幾好食，個汁比較甜，有2舊豬扒好肥差唔多成舊都係肥膏。白熊黑松露蝦餃皮薄，唔硬，幾香黑松露又唔會太勁芋圓香芋奶茶好少芋圓，而且係一堆堆痴住晒，唔係一粒粒，香芋奶茶好稀總結食物還好啦，味道唔算特別出色，有人話價錢太貴，做得期間限定都預咗嫁啦，還可以接受的。