幸福班戟 (已結業)

除左奇蹟班戟，位於利園嘅幸福班戟都係人龍不減，尤其是週末；雖然設網上預約，但只有平日，而且好快就滿。為左一試係咪真係咁幸福，我早左兩星期訂位兼專登平日過海，好有誠意餐廳位於利園三期，平日下午都有約十零個人排隊等候。全店面積頗大，我諗室內有40幾個位(?)，仲有幾張枱喺室外。清枱、帶位迅速，基本禮貌都有，人手感覺充足，但都係要舉好耐手先有人留意到，睇到都扮睇唔到，只有一位名牌寫住培訓中嘅店員比較殷勤。幫我落單嘅店員話下單只可一次，但幫隔離枱下單嘅店員就話飲品有需要可以後加，嗯…咁即係…？鹹甜班戟都有，甜嘅定價$108-138，有原味、朱古力、雜莓、奶茶等；鹹嘅定價$98-138。餐廳有供應清水，每枱都會有半杯仔，期後自行添加。點班戟可以優惠價加配咖啡/茶/牛奶咖啡等飲料，無加一服務費。班戟即點即製，需時約20分鐘，所以連同排隊時間，分分鐘成粒鐘先食到個甜品，如果平日最好都係睇下有冇得訂位吧，慳番啲時間古典魅惑班戟 $138期間限定已供應完嘅款式，一份三件，同Flipper's嘅差唔多大小，面頭一球比利時白朱古力慕絲、好大督忌廉，灑上脆脆、少量開心果粒，配法式醬，係酸甜交錯嘅組合班戟實在，