影片
更多
2017-01-15
13328 浏览
見有朋友食過又喺FB度大讚高質放題云云，openrice又超多like, 點都嚟試下。但可能期望過高...... 夜晚唔想食太飽所以揀午飯時間嚟，係咪因為咁啲熟食味道同夜晚有分別？？食物有讚有彈吧~坐位幾迫夾，但佢啲枱椅都有儲物格放吓menu呀手袋呀咁；漏單情況係有但算少；員工服務好好有求必應，攞番唔少分數。連加一$251 一位叫恰如其份；如可選擇會俾多幾十蚊去番主流嗰幾間，食物選擇多啲質素又好少少。講番食物啦~一坐落枱就放兩包哩啲包裝wasabi, 心情一沉。雖然大部份平價日食店啲一舊舊嘅wasabi都係人造，但都未至於堂食都俾哩啲包裝wasabi吧。感覺好似喺超級市場買外帶壽司咁，坦白講已經先入為主覺得啲嘢食好極有限......和風牛肉火炙壽司 - 全餐最好食係哩個。火炙香口，牛肉嫩滑仲有油香，少有encore熟食之一。黑松露鮑魚 - 哩個係經理(?) 提醒喺FB打咭送一人一隻。黑松露味夠香，鮑魚有磯煮味，唔錯，可惜冇得encore ......刺身 - 係幾新鮮，吞拿魚腩冇其他食評提嘅鯹味但一點油花都冇，當然放題嘅點能夠要求咁高，大大舊算係咁；帶子刺身好細粒，口感一般；凍蟹腳細隻
坐位幾迫夾，但佢啲枱椅都有儲物格放吓menu呀手袋呀咁；漏單情況係有但算少；員工服務好好有求必應，攞番唔少分數。
連加一$251 一位叫恰如其份；如可選擇會俾多幾十蚊去番主流嗰幾間，食物選擇多啲質素又好少少。
講番食物啦~
一坐落枱就放兩包哩啲包裝wasabi, 心情一沉。雖然大部份平價日食店啲一舊舊嘅wasabi都係人造，但都未至於堂食都俾哩啲包裝wasabi吧。感覺好似喺超級市場買外帶壽司咁，坦白講已經先入為主覺得啲嘢食好極有限......
和風牛肉火炙壽司 - 全餐最好食係哩個。火炙香口，牛肉嫩滑仲有油香，少有encore熟食之一。
黑松露鮑魚 - 哩個係經理(?) 提醒喺FB打咭送一人一隻。黑松露味夠香，鮑魚有磯煮味，唔錯，可惜冇得encore ......
刺身 - 係幾新鮮，吞拿魚腩冇其他食評提嘅鯹味但一點油花都冇，當然放題嘅點能夠要求咁高，大大舊算係咁；帶子刺身好細粒，口感一般；凍蟹腳細隻，肉散唔鮮甜，唔得。
壽司卷物 - 火炙壽司除咗上述和牛好好外，其他就太細粒食不出味道來；軍艦幾好，惟配撘海膽款式啲海膽鯹味唔新鮮；手卷啲餸太少，其中一款軟殼蟹手卷好似就咁包粒炸粉入去咁。
燒物 - 個焗蠔喺水汪汪嘅芝士汁入面浸住粒好細嘅蠔，難食；金菇牛肉卷幾乾身，唔錯；牛脷幾軟滑但燒得唔夠透唔香口；雞泡魚乾香口又唔會太乾唔錯；墨魚好唔掂，唔夠燒香而且落太多孜然粉(?), 難食；雞軟骨正常；紫薯冇乜甜味且散散哋口；燒菠蘿算係穩陣之選。
炸物 - 最失分環節。炸蠔極厚粉，隻蠔細過出食蠔仔粥啲蠔嘅size; 天婦羅蝦都係，蝦身幼加厚粉；炸鰻魚又係魚肉薄到不得了；釀蟹蓋反而唔錯，餡有蝦肉，彈牙有啲肉汁，但相信係預製組件吧。
煮物 - 見其他食評推介炒蜆，個人又愛食清酒煮蜆，一次過叫晒兩味。清酒煮蜆啲蜆滑潺潺，好韌又冇蜆味；炒蜆啲蜆一樣，而且調味又咸又辣；個鐵板粟米就唔錯。
甜品 - 只試咗燉奶同埋燉蛋，so so; 食品只係飲過熱桔蜜同薑蜜，兩者都好稀。埋單可以叫每人一客movenpick有番啲安慰~
张贴
