影片
更多
2013-06-03
80 浏览
估唔到第一次...... 寫食評就貢獻左俾"功夫"~ 今晚唔想食西餐~ 最後去左想食好耐既"功夫"~ 由於6點幾時間尚早~ 有一半吉檯~ 可以隨便揀位坐~ 最後揀左角落位自成一角~ 可以靜靜地食野~ "功夫" logo 無處不在~ 一坐低~ 朋友好快手開左壺壽眉~ 我黎唔切想問佢試唔試少見既白牡丹~ 不過算啦~ 壽眉都幾香~ 幾好飲~ 好~ 睇下有咩食先~ 咦~ 比想像中少野食選擇喎~ 可能平時去慣酒樓飲茶啦~ 蒸點: 15款 / 煎炸: 9款 / 腸粉: 5款 / 粥: 2款 / 蒸飯: 4款 / 燉湯: 2款 / 甜品: 4款 / 其他: 4款 / 汽水: 2款價格屬中上~ 蝦餃 $7/粒, 燒賣 $6/粒~ 其他點心由$15-28 不等~"功夫蝦餃皇" $7/粒岩岩蒸起熱辣辣~ 好味~ 蝦夠多~ 不過, 如果價錢平返少少就好喇~ 濃湯魚肚鮮竹卷 $18鮮竹卷既豬肉餡比例唔多~ 蔬菜比較多~ 所以食落冇咁漏~ 魚湯唔錯~ 幾好飲~ 成碗俾我飲晒~ 仲有2舊魚肚墊底~ 又俾我食埋~ 整個配撘比平時酒樓食開既鮮竹卷清新~ 食2條都唔會覺得漏~ 反而酒樓果D食1條就夠皮~ 蔥花炸兩腸
今晚唔想食西餐~ 最後去左想食好耐既"功夫"~
由於6點幾時間尚早~ 有一半吉檯~ 可以隨便揀位坐~
最後揀左角落位自成一角~ 可以靜靜地食野~
"功夫" logo 無處不在~
一坐低~ 朋友好快手開左壺壽眉~ 我黎唔切想問佢試唔試少見既白牡丹~ 不過算啦~ 壽眉都幾香~ 幾好飲~
好~ 睇下有咩食先~
咦~ 比想像中少野食選擇喎~ 可能平時去慣酒樓飲茶啦~
蒸點: 15款 / 煎炸: 9款 / 腸粉: 5款 / 粥: 2款 / 蒸飯: 4款 / 燉湯: 2款 / 甜品: 4款 / 其他: 4款 / 汽水: 2款
價格屬中上~ 蝦餃 $7/粒, 燒賣 $6/粒~ 其他點心由$15-28 不等~
"功夫蝦餃皇" $7/粒
岩岩蒸起熱辣辣~ 好味~ 蝦夠多~ 不過, 如果價錢平返少少就好喇~
濃湯魚肚鮮竹卷 $18鮮竹卷既豬肉餡比例唔多~ 蔬菜比較多~ 所以食落冇咁漏~ 魚湯唔錯~ 幾好飲~ 成碗俾我飲晒~
仲有2舊魚肚墊底~ 又俾我食埋~
整個配撘比平時酒樓食開既鮮竹卷清新~ 食2條都唔會覺得漏~ 反而酒樓果D食1條就夠皮~
蔥花炸兩腸 $18蔥花只得2-3粒~ 點綴而已~ 不要也吧~
味道普通~ 9件炸兩大小不一~ 賣相有改善空間~
炸兩唔多新鮮~ 似翻炸過~
鮮蝦腐皮卷 $20新鮮熱辣炸起~ 好彩冇一大啖咬落去~ 實辣親嘴仔~
蝦既份量可接受~ 但係... 睇下張紙~ D油多到呢! 差D以為成張紙浸左落油! 離晒譜~! 冇下次~!
雪沙香芒卷 $18失望~!
賣相唔得~ 好似求其放落碟咁~ 影相之前我已經將最靚仔果舊放係最前~ 唔係既話... 真係影唔落手~
甜品應該唔會即整~ 只係o係雪櫃拎出黎就得~ 但竟然漏單~
芒果都幾大舊~ 但係個糯米皮就.... 唔掂!! 完全唔煙韌~ 好似雪左好耐~ 同舊粉團冇分別~ 係超巿買既雪藏湯丸都煙韌過佢~
又係冇下次!!
有冇奇怪點解晚餐食咁少野?? 其實..... 未飽架~ 只係唔想再中伏~ 所以忍口~ 返屋企食零食好過~
總結: 食左5樣野~ $94~ 得2樣野食有水準~ 2樣唔多得~
價錢 / 品質有改善空間~
如無意外~ 應該唔會再黎~
张贴
