丼丼屋 (已結業)

估唔到自己會係為咗哩間餐廳寫食評。前排返工經過見到哩間舖頭裝修，已經好想試。睇埋其他分店嘅食評，就更想試。因為怕等位，我12：05就到咗。啱啱唔駛等位。因為間間分店嘅食評都話滑蛋雞飯好食，就點咗哩樣。點知等咗20分鐘，催咗三次，先話漏落單。再等5分鐘，終於嚟咗。蛋都算幾滑，但係雞唔係十分滑。味道普通過普通，總之啲汁唔會令我想食多兩啖飯。試過就算，相信唔會再去。