Neko Puff (已結業)

想試咗好耐，終於有機會試，叫左芒果拿破崙。芒果量好少好少，4個人食，預每人5,6粒啦，內裡好少芒果，接近無咁，可能太多Cream遮住啦，食落去就唔太感受到了，覺得食緊酥皮同Cream，感覺好單調，無乜驚喜同變化，食第三四啖就超級悶，失去期待，無下次。講翻酥皮，無即刻食，放左雪櫃幾個鐘，都唔會話好林，都有小小脆嘅，不過淨食酥皮會超級咸！變咗迫住同Cream一齊食，想轉下口味都唔得。Cream非常多，但唔會油膩，但淨食Cream好甜，又係迫住一齊食。整體好失望，不值一試。減少啲Cream都可以，加翻多啲芒果係入面，味道會無咁悶，清新啲。