影片
更多
2011-02-08
23 浏览
睇完牙就牙痕，想吃吃下午茶。在巴士上openrice， 見到旺角登打士街有幾間食薯條既舖頭。為咗個下午茶，係太子落車行到油麻地，足足2個地鐵站。本來係想去食愛爾蘭著仔，點知去到＄１０的特價薯條唔啱口味，間舖仲拍緊烏蠅。反而２個舖位之隔嘅 hot.com 則一律＄１０，而且排晒長龍。諗咗一陣，都係轉軚，過嚟 hot.com。呢間舖好受９０後青年歡迎，大部份排隊嘅都係十幾歲仲放緊新年假嘅中學生。店員見打晒蛇餅，會好主動好清晰咁叫買野食過嚟，唔駛Ｄ客呆等。呢間野都算好多元化，除咗賣薯條之外，仲兼賣各式飲料 (咖啡, 凍朱, 珍珠奶茶, 沙冰, 多多 etc.), 熱狗 (香腸熱狗, 吉列蝦熱狗, 炸雞熱狗, 魚柳熱狗 etc.)及小食(鹽酥雞, 炸雞塊, 炸花枝丸etc.) 仲做埋froyo，真係有Ｄ佢玩晒嘅感覺。薯條醬汁揀咗特濃車打芝士（＄１０），即叫即炸，等了約６分鐘有得食。由於不設堂食，必需邊行邊食或企埋一邊食，店方會提供膠叉。對個薯條真係充滿期望...但太高的期望，只會換來失望。 薯條 － 雖然係即炸，但唔香脆。味道只有淡淡的薯仔味，如果落點鹽會好好多。 特濃車打芝士醬 － 芝士醬唔
為咗個下午茶，係太子落車行到油麻地，足足2個地鐵站。
本來係想去食愛爾蘭著仔，點知去到＄１０的特價薯條唔啱口味，間舖仲拍緊烏蠅。反而２個舖位之隔嘅 hot.com 則一律＄１０，而且排晒長龍。諗咗一陣，都係轉軚，過嚟 hot.com。
呢間舖好受９０後青年歡迎，大部份排隊嘅都係十幾歲仲放緊新年假嘅中學生。店員見打晒蛇餅，會好主動好清晰咁叫買野食過嚟，唔駛Ｄ客呆等。呢間野都算好多元化，除咗賣薯條之外，仲兼賣各式飲料 (咖啡, 凍朱, 珍珠奶茶, 沙冰, 多多 etc.), 熱狗 (香腸熱狗, 吉列蝦熱狗, 炸雞熱狗, 魚柳熱狗 etc.)及小食(鹽酥雞, 炸雞塊, 炸花枝丸etc.) 仲做埋froyo，真係有Ｄ佢玩晒嘅感覺。
薯條醬汁揀咗特濃車打芝士（＄１０），即叫即炸，等了約６分鐘有得食。由於不設堂食，必需邊行邊食或企埋一邊食，店方會提供膠叉。
對個薯條真係充滿期望...但太高的期望，只會換來失望。
薯條 － 雖然係即炸，但唔香脆。味道只有淡淡的薯仔味，如果落點鹽會好好多。
特濃車打芝士醬 － 芝士醬唔夠多，而且沉底，面頭嘅薯條沾不到醬汁。醬汁好＂奶＂，莫講係＂特濃＂，連一點芝士香味都沒有。由於太重奶味，味道偏甜，配合無味薯條，真係唔知自己食緊Ｄ乜。
行咗咁多路先食到呢個薯條真係唔值，不過＄１０呢個價錢算好公道。會再來試下其他熱狗和小食，但薯條就唔會有下次了！
张贴
