神戶北之坂 (已結業)

呢排去開荃灣做嘢，成日都會行過Donki，附近勁多嘢食😉咁就梗係要試吓啦，上次叫咗小丸子，其實我仲食咗吉列豬扒咖喱蛋包飯🍛呢間野都係喺Donki個food c入面，叫做神戶北之坂😏佢唔算貴，成個套餐都係$64，有個湯同有杯汽水🥤就係張相見到咁樣啦😌咁就講吓佢哋嘅味道啦🤪粟米湯一飲就知係包裝粉沖出嚟嘅粟米湯，比較淡，唔太好飲🙈🙈吉列豬扒蛋包飯睇佢個樣就靚靚仔仔咁，但味道就真係好一般😖唔係難食，但亦都唔係好食😑吉列豬扒比較乾而且個粉好厚，咖哩就真係日式既，味道偏甜，個蛋就比較老，但勝在份量大，佢有成兩碗飯咁多🤪🤪大食既呢度都一定夠食，不過整體來講係有點失望🙈