浪人日本料理 (已結業)

餐廳位於中環食廈6f, 座位寬濶，裝修時尚摩登，空間感十足。午市只有兩枱人。午餐有廿四款之多，有刺身、丼、燒物/炸物、鍋物、料理等，由160-380不等,中價定位。沙律十分新鮮，拌以沙拉汁；茶蒸碗味道比較淡，十分水嫩滑溜，似蒸水旦多D；而面鼓湯味道也不錯，唯前菜的蚌裙邊有點韌。雜錦刺身定食$220刺身選料有6款大路的，可是和OpenRice 食評所見的大有出入，賣相平平而刺身欠光澤， 顏色喑啞。三文魚顏色比較正常，味道不錯，油脂分佈平均；甜蝦唔太特別，肉質唔係最新鮮，而蝦頭有點苦味；白身魚表面呈啞色，味道比較清淡，肉質爽身；帶子大大粒厚切，味道唔係最甜但體積撘夠。可能有期望，所以感覺有點失望。和牛壽司喜燒$200和牛肉質唔錯，雖然不至入口即溶，口感嫩滑有肉味，但可是一大煲只有兩片，嘩！咪成百蚊一片和牛。配菜還有金茹、豆腐、小棠菜同韓式粉絲，湯汁味道甜甜地唔太鹹，都幾ok.海膽豆腐$68嘩！豆腐一如一隻麻雀大，海膽又少又無味，真的有點不值。相對上週同是位於中環的玄鮨，有感這家的食味同份量真的比下去，難怪午餐時間咁少人，屬性價比低。以這價位比他好食的還有許多選擇，應該唔會encore.