影片
更多
2021-04-25
1925 浏览
同家人去咗普慶餐廳食自助午餐，4月份主題係燒烤。平日成人每位$308，長者$198，再加10%服務費。食物分咗好多區域擺放，好處係分散人流，唔好嘅就係要行好多地方，甚至乎唔記得想食嘅食物擺咗喺邊區。食物選擇其實唔少，不過有好多都唔係特別想食(例如：熱葷中嘅蔬菜類、壽司、刺身、芝士等等)，所以都唔係話食咗好多。凍海鮮有小龍蝦、麵包蟹、 翡翠螺 、青口同凍蝦。除咗青口我無食同凍蝦食咗幾隻霉霉哋，其餘3樣都好鮮味。而且有生蠔任食，每次排隊可以拎兩隻。生蠔雖然好細隻，但係淨配檸檬汁食已經好好味。熱葷我只係食咗烤雞翼、豬肋骨、鴨胸、3款腸、金菇天婦羅、牛仔骨、鯖魚同麻辣小龍蝦，每樣都係食一件，少食多滋味。食物味道ok，但無一樣係我特別覺得好食到再食過返尋味嘅。甜品選擇唔算多，質素都係正常，唔特別有驚喜。雪糕係Movenpick，大概有10款口味，每人每次可以叫3種口味(我開頭唔知道，叫咗4款口味都照畀)。飲品每人一杯，憑券領取。除咗有咖啡、奶茶、檸茶/水之外，仲有幾款持飲。包括兩款果茶(荔枝、另一款唔記得)、三款梳打(檸檬、蜜糖薑同柚子蜜)。椰果荔枝茶好味道，茶味濃、有好多椰果。
食物分咗好多區域擺放，好處係分散人流，唔好嘅就係要行好多地方，甚至乎唔記得想食嘅食物擺咗喺邊區。
食物選擇其實唔少，不過有好多都唔係特別想食(例如：熱葷中嘅蔬菜類、壽司、刺身、芝士等等)，所以都唔係話食咗好多。
凍海鮮有小龍蝦、麵包蟹、 翡翠螺 、青口同凍蝦。除咗青口我無食同凍蝦食咗幾隻霉霉哋，其餘3樣都好鮮味。而且有生蠔任食，每次排隊可以拎兩隻。生蠔雖然好細隻，但係淨配檸檬汁食已經好好味。
熱葷我只係食咗烤雞翼、豬肋骨、鴨胸、3款腸、金菇天婦羅、牛仔骨、鯖魚同麻辣小龍蝦，每樣都係食一件，少食多滋味。食物味道ok，但無一樣係我特別覺得好食到再食過返尋味嘅。
甜品選擇唔算多，質素都係正常，唔特別有驚喜。雪糕係Movenpick，大概有10款口味，每人每次可以叫3種口味(我開頭唔知道，叫咗4款口味都照畀)。
飲品每人一杯，憑券領取。除咗有咖啡、奶茶、檸茶/水之外，仲有幾款持飲。包括兩款果茶(荔枝、另一款唔記得)、三款梳打(檸檬、蜜糖薑同柚子蜜)。椰果荔枝茶好味道，茶味濃、有好多椰果。
张贴
