Trois Cafe (已結業)

今次難得同朋友仔嚟到當然唔可以淨係叫一個主食😤所以我地就叫咗兩個主食一個小食分著嚟食🍴首先由最色彩繽紛嘅香烤雜菜開始講起🫑佢將四款雜菜燒烤過 再放酸種麵包上面🍞蔬菜經過燒烤香甜味就更加突出 而且都食到好多汁 唔會話燒太耐令食材都變乾哂👍下面嘅酸種麵包煙韌有口感 配埋一齊食都幾襯🔥側邊有幾條新鮮炸起嘅蕃薯條 味道香甜夠焦脆🍠另一個主食叫左忌廉蘑菇炒意粉🍝扁意粉接觸面積更大所以可以更有效吸到同埋掛住 濃濃順滑嘅忌廉蘑菇醬汁🍄配料有多多蘑菇粒同洋蔥粒 都唔會話太單調好似齋食面咁！