影片
更多
2010-11-25
20 浏览
位於上環嘅維德廣場，最近有一番新景象！自從10月17日 Delifrance 結業後，Suzuki Cafe 搬往上址，上星期五已開張；Pret A Manger 才有機會進駐維德廣場。10月經過呢度，期待11月開張！見到工程合約11月20日完成，密切留意幾時開張！星期一經過，係試業日，星期二為正式開張！Pret A Manger 鄰近上環地鐵站 E5 出口，十分就腳！呢間大過 IFC 分店，坐得舒服唔侷促！除了有方枱之外，亦有比較矮一點嘅圓枱，方便上網食客；店內提供Wi-Fi 上網！ 還掛滿以食物併合而成嘅創意圖案畫，正是我欣賞之處！亦可作屏風之用！設計簡單美觀！可以堂食或外賣自取，朝早方便上班人士！店內有不少食物選擇！一走入門口右手邊，見到已包裝嘅有餡麵包$12 / 個：有龍蝦仔沙律包、芝士火腿包、粟米雞肉沙律包、煙三文魚包等；此外，廚房每天新鮮製成嘅 Ready pack 三文治，由$16~$22 不等。唔想食凍冰冰嘅包，可以考慮喺暖爐保溫嘅牛角包，唔平呀！$14~$16 / 個 ，3 款口味：原味、杏仁、朱古力，只係比坊間大些少。或者買暖笠笠早餐 $10 起，不過要視乎個別早餐
Pret A Manger 鄰近上環地鐵站 E5 出口，十分就腳！
呢間大過 IFC 分店，坐得舒服唔侷促！除了有方枱之外，亦有比較矮一點嘅圓枱，方便上網食客；店內提供Wi-Fi 上網！ 還掛滿以食物併合而成嘅創意圖案畫，正是我欣賞之處！亦可作屏風之用！設計簡單美觀！
可以堂食或外賣自取，朝早方便上班人士！店內有不少食物選擇！一走入門口右手邊，見到已包裝嘅有餡麵包$12 / 個：有龍蝦仔沙律包、芝士火腿包、粟米雞肉沙律包、煙三文魚包等；此外，廚房每天新鮮製成嘅 Ready pack 三文治，由$16~$22 不等。唔想食凍冰冰嘅包，可以考慮喺暖爐保溫嘅牛角包，唔平呀！$14~$16 / 個 ，3 款口味：原味、杏仁、朱古力，只係比坊間大些少。或者買暖笠笠早餐 $10 起，不過要視乎個別早餐，可能要等 2~3 分鐘。
早餐，係每日嘅第一餐，不可缺少！呢度嘅早餐比預期平，所以我叫咗兩份早餐及一杯咖啡！買嘢時，店員會同食客講早晨！令一位店員見我呢份豐富早餐，加上我挽住又大又重嘅手袋，還為我將早餐送到枱上！真係服務細心！
英式多士 ( 另附牛油及士多啤梨果醬 ) $10
烘焗需時 1 分鐘！有兩塊已烘好嘅麥包，混入亞麻籽及小麥，睇嚟幾健康！作為早餐的確唔錯！包邊烘得脆脆地，包身有點軟帶點微暖，搽上牛油後，散發牛油香味更好食！要特別一提，牛油幼滑之餘，略帶微甜，令我想起山崎美味棒嘅味道！ 士多啤梨果醬酸酸甜甜，無咩特別！呢份早餐好抵食！
烤雞鮮番茄濃湯蜆殼粉 $20
我建議大家食鮮番茄濃湯蜆殼粉 $18，加咗 $2 多三塊烤雞片，切得薄約 1cm，不過嚡口！ 至於，鮮番茄濃湯蜆殼粉，加入茄膏，顏色奪目！ 令賣相更吸引！加入番茄粒及芹菜粒，十分惹味！只係油咗些少！蜆殼粉煮得軟硬適中，像意式煮法！帶有嚼感！配合番茄濃湯係 perfect match!
蒸餾咖啡 ( 憑 coupon 免費 )
用咗優惠券一於試吓！ 蒸餾咖啡係以蒸餾咖啡器泡製而成。店員服務態度十分不錯，面帶笑容問我要唔要奶？我唔飲齋啡，要求加埋奶。加奶後，顏色較淡，聞起嚟香濃咖啡味，飲落味道比較淡，覺得普通。呢度以自助形式攞糖，提供白糖及咖啡糖。
藍莓乳酪 ( 細 size ) $18 ~ 下午茶
乳酪全日供應。細 size 其他口味係蜜糖脆片紅莓乳酪，另有大size $22：超級藍莓乳酪、香蕉蜜糖脆片乳酪、芒果脆片乳酪。乳酪喺藍莓醬上面，第一口食到乳酪，味道好似芝士蛋糕，有點酸味，杰身，不及市面嘅 frozon yogurt 咁軟滑！藍莓醬好少，酸酸甜甜好醒胃；有藍莓粒，算有點口感！如果，大size 加埋脆片，相信更有口感！
Pret A Manger 服務方面確實不錯！值得俾 5 分！
张贴
