影片
更多
2019-01-20
61 浏览
台灣過江龍-貴腐酵母手工烘焙嘅超巨型髒髒包今次終於試到喇！這幾個月不斷見到Share le Pain微酵烘焙出售嘅食物和飲品嘅傳媒報道，喺Facebook又見到，搞到我心思思走過嚟銅鑼灣買來試吓。平時都有飲開Share Tea，原來係有合作關係，所以麵包店也有多款飲品和麵包款式選擇。麵包店裝修以白色為主，而且門面非常開陽，位於商場嘅扶手梯電梯旁邊，一去到已經好多客人選購麵包和飲品中。見到傳媒報道日限200個爆漿珍奶軟歐-特製超軟香甜歐式軟包，最突出就係三色髒髒包，每款各買了一個試吓。抹茶控的我急不及待先試下青綠色嘅抹茶味道髒髒包-囧囧之胖，面頭白朱古力加抹茶粉，食落去本身抹茶帶一點苦澀味道，但是兩者mix埋一齊食能夠中和味道，咬落去麵包質感鬆軟，原來入面都有一粒粒嘅白朱古力㗎！另外兩種顏色分別係士多啤梨味-羞羞之胖同埋朱古力味道-髒髒之胖嘅髒髒包。朋友大讚麵包的名稱很貼切，因為一食就會搞到成身成口都污糟晒🤣。另外他最欣賞朱古力味髒髒包，厚厚的可可粉鋪滿包包面頭，而且還有一層70%比利時松露脆皮的黑朱古力，食落去朱古力味濃厚回甘，麵包中間更蘊藏了軟滑鹹香嘅忌廉芝士，所以食落去非常Crea
台灣過江龍-貴腐酵母手工烘焙嘅超巨型髒髒包今次終於試到喇！這幾個月不斷見到Share le Pain微酵烘焙出售嘅食物和飲品嘅傳媒報道，喺Facebook又見到，搞到我心思思走過嚟銅鑼灣買來試吓。
平時都有飲開Share Tea，原來係有合作關係，所以麵包店也有多款飲品和麵包款式選擇。
麵包店裝修以白色為主，而且門面非常開陽，位於商場嘅扶手梯電梯旁邊，一去到已經好多客人選購麵包和飲品中。見到傳媒報道日限200個爆漿珍奶軟歐-特製超軟香甜歐式軟包，最突出就係三色髒髒包，每款各買了一個試吓。
抹茶控的我急不及待先試下青綠色嘅抹茶味道髒髒包-囧囧之胖，面頭白朱古力加抹茶粉，食落去本身抹茶帶一點苦澀味道，但是兩者mix埋一齊食能夠中和味道，咬落去麵包質感鬆軟，原來入面都有一粒粒嘅白朱古力㗎！
另外兩種顏色分別係士多啤梨味-羞羞之胖同埋朱古力味道-髒髒之胖嘅髒髒包。朋友大讚麵包的名稱很貼切，因為一食就會搞到成身成口都污糟晒🤣。
另外他最欣賞朱古力味髒髒包，厚厚的可可粉鋪滿包包面頭，而且還有一層70%比利時松露脆皮的黑朱古力，食落去朱古力味濃厚回甘，麵包中間更蘊藏了軟滑鹹香嘅忌廉芝士，所以食落去非常Creamy。
另外還點了金磚火腿芝士，內餡芝士與火腿相疊，味道好match。
飲品就點了招牌之選-珍珠鮮奶茶和極濃日式抹茶🍵，兩者都是我至愛嘅飲品，但係可惜我飲唔晒，唯有外賣與我的朋友分享。
珍珠鮮奶茶茶味香濃，面頭有絲滑般嘅cream，而且仲有珍珠嘅咬口，多重口感享受。麵包店位於銅鑼灣之外，旺角同埋元朗都有，住新界同埋九龍嘅髒髒包控有福了。
最後埋單一共買咗五個麵包+2杯飲品都只係$200多啲左右，食完飲完之後覺得物超所值，下次一定會再encore試吓其他麵包款式。
张贴
