炯記餐室 (沙咀道) (已改名) 查看

依間聞名已久, 一直都好想嚟試嘅「鵝油撈粗」 , 終於有機會品嚐。首先講, 我可以肯定佢地嘅鵝油撈粗, 味道獨家, 喺第二度係食唔到嘅。好味、好香, 令人回味。撈得好勻循, 每條麵都沾咗醬汁。豬手, 亦都好好味, 又軟又淋, 可惜份量少咗啲, 唔夠喉。跟撈面嗰碗湯亦都好好飲, 味道傳統。另外, 值得一讚就係佢杯奶茶好好飲, 好有以前大排檔嘅風格。凍檸茶呢, 茶味就略嫌過濃。至於手撕雞, 係要彈嘅, 原因好似雪咗好耐咁樣, 有一陣雪味; 另外啲撈雞嘅麻油味道好似怪怪地(油益味)。 手撕雞嘅份量比預期多。 希望將來有所改進。仍期望下次再幫襯。