Good Good (已結業)

經常見到各大ig食既goodgood啦！見到佢有得book就當然要試下啦，因為book左3點，所以只係叫左一個主食一個甜點。點左椒麻拌麵同黑芝麻麻薯蛋糕配豆腐雪糕。椒麻拌麵好香，個麵都配合得好好，夠闊掛到好多汁，係冇辣味減左分。個蛋糕雖然同我想像既蛋糕有啲出入而且有啲細件，但係好濃芝麻味，而個口感係直接既麻薯。意外驚喜係接骨木花梳打，非常之香同梳打既感覺好夾，好清新。整體而言，餐點都係追求精緻為主，未係好大滿足，但食完就會有好清爽既感覺。