影片
更多
2011-04-08
169 浏览
1月7日, 因為今晚太悠閒, 晚飯時間又唔駛一定要去銅鑼灣、旺角咁繁忙嘅地方. 決定同呀菲嚟西營盤試一下呢度出名嘅焗豬! 成日都搭車經過, 但係就一直冇機會試~ ::: 焗豬扒飯::: $40等了好久嘅焗豬! 雖說等候焗製時間只需15分鐘, 但係從我地口中說著說著話要食已有一、兩年~ 呢度嘅焗豬原來係先焗咗再倒出嚟上碟, 出奇地上咗碟都沒有失去焗爐香, 份量仲好大添! 焗出嚟嘅炒飯有好香茄味, 未食已經流晒口水~ 味道果然十分好味, 炒飯焗完好乾身, 茄汁香甜得嚟帶少少酸, 充分刺激味蕾~ 除咗鮮茄之外仲用咗紅蘿蔔, 好淋同個汁都好夾~ 豬扒好大件, 大過我成隻手掌! 外皮仲炸過先去焗, 食落加添一份麵包糠味道~ 豬扒味濃肉嫩, 口感十分鬆脆~ 整體份量奇多, 一個人食晒真係會好飽~::: 快餐 味菜牛柳絲意粉 + 凍奶茶 ::: $27 + $2先上一碗中湯, 味道都算鮮甜, 唔似有落味精, 唔錯~ 再來嘅意粉, 以為係好西式, 但原來味菜就係梅菜, 似足梅菜扣肉嘅獻汁, 再加上幼幼嘅牛柳絲~ 因為汁太多嘅關係, 而意粉又唔索汁, 所以搞到好似湯意粉咁, 個汁本身係幾惹味, 不過過多
::: 焗豬扒飯::: $40
等了好久嘅焗豬! 雖說等候焗製時間只需15分鐘, 但係從我地口中說著說著話要食已有一、兩年~ 呢度嘅焗豬原來係先焗咗再倒出嚟上碟, 出奇地上咗碟都沒有失去焗爐香, 份量仲好大添! 焗出嚟嘅炒飯有好香茄味, 未食已經流晒口水~ 味道果然十分好味, 炒飯焗完好乾身, 茄汁香甜得嚟帶少少酸, 充分刺激味蕾~ 除咗鮮茄之外仲用咗紅蘿蔔, 好淋同個汁都好夾~ 豬扒好大件, 大過我成隻手掌! 外皮仲炸過先去焗, 食落加添一份麵包糠味道~ 豬扒味濃肉嫩, 口感十分鬆脆~ 整體份量奇多, 一個人食晒真係會好飽~
::: 快餐 味菜牛柳絲意粉 + 凍奶茶 ::: $27 + $2
先上一碗中湯, 味道都算鮮甜, 唔似有落味精, 唔錯~
再來嘅意粉, 以為係好西式, 但原來味菜就係梅菜, 似足梅菜扣肉嘅獻汁, 再加上幼幼嘅牛柳絲~ 因為汁太多嘅關係, 而意粉又唔索汁, 所以搞到好似湯意粉咁, 個汁本身係幾惹味, 不過過多就變得太濃太鹹, 應該叫飯可以索汁就會好d~ 牛柳絲整得好淋, 好入味, 所以整體個餸係好味的, 只係叫錯咗意粉…
凍奶茶好夠味, 奶又夠think又有茶香, 傳統港式奶茶~
好耐都冇食過咁好味嘅焗豬! 比起美都感覺上更大件抵食~ 晚飯時候人流唔算多, 又有電視睇~ 不過可能太悠閒, 收銀個呀伯成日都唔理我地, 又落漏咗單, 不過都算, 咁先係街坊生意麻~
张贴
