極尚大瀛喜日本料理

营业中

休息中

終於訂到位，食最貴嘅星期六晚任選2小時時段$268/位，價錢尚算合理，食物款式非常之多，壽司細細粒可以食多啲其他款式，中湯非常好飲，我同阿妹都有添飲，前菜有泰式鳳爪、螺肉、中華沙律，刺身普普通通，蟹粥麻麻，燒菠蘿好多汁好甜。炸物必食有炸芝士年糕，炸芝麻鷄亦，阿妹話最正係炸榴槤球，簡直一流，榴槤控啱晒。甜品都好多選擇有朱古力味、奶黃味糯米糍，Tiramisu, 牛奶布丁，芒果布丁，芒果奶凍。雪糕有自己斟乳酪味及蜜瓜味，仲有多款牛奶公司及其他韓國牌子雪糕。飲品可以自己去雪櫃任選，食量多嘅人，呢個自助餐應該返到本。銅鑼灣同觀塘分店就未食過，有機會都會試試。商場食滿$400有兩小時free parking, 逢星期六、日用銀聯卡消費再多1小時。