Burger Home (已結業)

成日都想食漢堡包，但係一諗到佢乾爭爭，就會即刻揀咗其他嘢食，講咗四個月左右，今次終於的起心肝走去食，就去試吓朋友話好食嘅呢間，平時行過都見到幾多人，正所謂元祖師奶話齋食肆睇多唔多人就知好唔好食，特登同朋友去試吓。我哋兩個人，分別是雙層牛肉漢堡同埋魚柳包，各切一半，大家都可以試吓，個魚柳包嚟到嘅時候，都真係失望左一下，因為佢中間只係三條魚柳條，唔係平時見到一塊魚柳，個口感一定差啲，但係佢嘅薯條都好粗身，總算有啲期待。相反，個雙層牛肉漢堡一黎，大家都真係嘩嘩聲，事關佢真係好厚，睇落去都好Juicy咁，令人好期待。唔等得嘅我，影咗相之後就即刻食咗個漢堡包先，由於個包太厚，一啖真係食唔晒，食落去真係好多牛肉，但係冇睇落去咁Juicy，反而有少少乾，肉就夠味嘅，漢堡包個包軟硬度適中，整體來講不過不失，只能說一般。至於冇乜期望嘅魚柳包，因為只係得三條魚條，所以都唔係太有感覺，反而係有啲失望，嗰個奇趣雞反而令我哋更失望，其實佢似麥樂雞，但粉好多，連鍾意食麥樂雞嘅朋友都冇乜點食。整體而言，今次真係有啲失望，今次食咗漢堡包，可能在下次食都要等四個幾月，個人來講都係鍾意食啲有汁嘅嘢食。 🍴 Burger